ເມື່ອວັນທີ 6 ກັນຍາ ທີ່ໂຮງແຮມລ້ານຊ້າງ ໄດ້ມີການກະກຽມເຂົ້າຮ່ວມງານແຂ່ງຂັນກີລາອາຊຽນພຣາເກມ ຄັ້ງທີ 9 ປີ 2017 ທີ່ປະເທດມາເລເຊຍ ໃຫ້ກຽດໂດຍ ທ່ານ ນາງ ແສງເດືອນ ຫຼ້າຈັນທະບູນ,ກຳມະການສູນກາງພັກ, ລັດຖະ ມົນຕີ ກະຊວງສຶກສາທິການ ແລະ ກິລາ ປະທານຄະນະກຳມະການໂອແລມປິກແຫ່ງຊາດລາວ ຂື້ນກ່າວໃຫ້ຄຳໂອ້ວາດ
ສຳລັບການແຂ່ງຂັນໃນຄັ້ງນີ້ ສປປລາວ ຈະສົ່ງທີມນັກກິລາ, ຄູຝຶກ ແລະ ຄະນະການນຳເຂົ້າຮ່ວມລວມທັງໝົດ 100 ຄົນ, ເປັນນັກກີລາ 84 ຄົນ, ຍິງ 20 ຄົນ ໃນ 6 ປະເພດກີລາເຊັ່ນ: ແລ່ນ-ລານ, ລອຍນ້ຳ, ຍົກນ້ຳໜັກ, ໂກນບານ, ບານບ້ວງລໍ້ເລື່ອນ ແລະ ກີລາບານເຕະ
ແຂ່ງຂັນກິລາອາຊຽນພຣາເກມ ຄັ້ງທີ 9 ທີ່ປະເທດມາເລເຊຍ ໂດຍມີການຊິງຫຼຽນ 294 ຫຼຽນຄຳ ແລະ 883 ລາຍ ການ ແລະ ປະກອບທັງໝົດ 16 ກີລາເຊັ່ນ: ແລ່ນ-ລານ, ລອຍນ້ຳ, ຍົກນ້ຳໜັກ, ໂກນບານ, ບານບ້ວງລໍ້ເລື່ອນ, ກີລາບານເຕະ, ບອດເຊຍ, ໝາກເສິກ, ດອກປີກໄກ່, ເທດນິດລໍ້ເລື່ອນ, ຍິງທະນູ, ບານສົ່ງນັ່ງ, ປິ່ງປ່ອງ, ໂບລິ້ງ, ລົດ ຖີບທາງພຽງ-ວິບາກ ແລະ ຊີພີບານເຕະພິການ 7 ຄົນ.