ເມື່ອວັນສຸກທີ 1 ກັນຍາ 2017 ທີ່ຜ່ານມາ ທ່ານ ວາລາດິເມຍ ປູຕິນ ປະທານາທິບໍດີຣັສເຊຍ ກ່າວກັບນັກສຶກສາໃນງານປະຊຸມແຫ່ງໜຶ່ງວ່າ ການພັດທະນາປັນຍາປະດິດຈະຍົກລະດັບທັງໂອກາດອັນຍິ່ງໃຫຍ່ ແລະ ໄພຄຸກຄາມອັນຍາກທີ່ຈະຄາດເດົາໄດ້ໃນເວລານີ້

ປູຕິນກ່າວ “ປັນຍາປະດິດບໍ່ໄດ້ເປັນພຽງແຕ່ອານາຄົດຂອງຣັສເຊຍເທົ່ານັ້ນ ແຕ່ເປັນອານາຄົດຂອງມະນຸດທັງປວງ”  “ທັງໂອກາດອັນຍິ່ງໃຫຍ່ ແລະ ໄພຄຸກຄາມອັນຍາກທີ່ຈະຄາດເດົາໄດ້ຄືກັນ” “ໃຜກໍ່ຕາມທີ່ເປັນຜູ່ນຳໃນດ້ານນີ້ຈະເປັນຜູ່ຄອງ”

ແຕ່ທັງນັ້ນປູຕິນກໍ່ກ່າວເຕືອນວ່າ “ແຕ່ຄົງຈະບໍ່ແມ່ນເລື່ອງເພິ່ງພໍໃຈແນ່ນອນຫາກໃຜບາງຄົນຈະຄອບຄອງເອກະສິດນັ້ນໄວ້ພຽງຄົນດຽວ” ພ້ອມໃຫ້ຄຳໝັ້ນວ່າຣັສເຊຍຈະຍິນດີແບ່ງປັນຄວາມຮູ້ດ້ານປັນຍາປະດິດກັບຊາດອື່ນໆ

ປະທານາທິບໍດີຣັສເຊຍຄາດວ່າ ສົງຄາມໃນອານາຄົດຈະສູ້ກັນດ້ວຍໂດຣນ ແລະ ເມື່ອໂດຣນຂອງຝ່າຍໃດຖືກໂດຣນຂອງອີກຝ່າຍທຳລາຍຝ່ານນັ້ນກໍ່ຈະບໍ່ມີທງເລືອກອື່ນນອກຈາກຍອມແພ້