ຈົບລົງໄປແລ້ວກັບງານປະກວດ Laos Super Model 2017 ທີ່ເຮັດໜ້າທີ່ຄົ້ນຫານາງແບບ ແລະ ນາຍແບບ ໜ້າໃໝ່ຂຶ້ນມາປະດັບວົງການບັນເທີງບ້ານເຮົາ
ໃນຄ່ຳຄືນຂອງວັນທີ 19 ສິງຫາ 2017 ທີ່ຜ່ານມາ ທີ່ສູນການຄ້າລາວ-ໄອເຕັກ ຊັ້ນ 7 ໄດ້ມີການຈັດງານປະກວດ Laos Super Model 2017 ໃນຮອບຕັດສິນ ແລະ ຜູ້ທີ່ໄດ້ຮັບຕຳແໜ່ງຊະນະເລີດ Laos Super Model ຝ່າຍຊາຍໄດ້ແກ່ ທ້າວ ໄຊຍະສິດ ພົນເສນາ (ໝິງ) ແລະ ຝ່າຍຍິງຕົກເປັນຂອງ ນາງ ມຸກດາວັນ ທອງສິງຄຳ (ມຸກ)
ສ່ວນປະເພດນາງແບບ-ນາຍແບບລຸ້ນເຍົາວະຊົນແມ່ນ ນາງ ເພັດມະນີ ເພັດໄຊຍາ ແລະ ທ້າວ ເອກະພົນ ນາທະວົງ
ຜູ່ທີ່ໄດ້ຮັບຕຳແໜ່ງຊະນະເລີດຈະໄດ້ຮັບລາງວັນເງິນສົດຜູ້ລະ 10 ລ້ານກີບ ພ້ອມໂລ່ລາງວັນ ແລະ ລາງວັນຈາກຜູ້ໃຫ້ການສະໜັບສະໜູນ ສ່ວນປະເພດນາງແບບເຍົາວະຊົນ ແລະ ນາຍແບບເຍົາວະຊົນ ໄດ້ຮັບເງິນສົດຜູ້ລະ 5 ລ້ານກີບ ພ້ອມໂລ່ລາງວັນ ແລະ ຂອງລາງ ວັນຈາກຜູ້ໃຫ້ການສະໜັບສະໜູນຈຳນວນໜຶ່ງ ພ້ອມທັງເປັນຕົວແທນນາງແບບ-ນາຍແບບຂອງລາວ ໃນການເຄື່ອນໄຫວກິດຈະກຳຕ່າງໆຕະຫຼອດໄລຍະ 1 ປີ
ນອກຈາກນີ້ ຍັງມີລາງວັນຂວັນໃຈຊ່າງພາບ ລຸ້ນເຍົາວະຊົນ ແລະ ລຸ້ນຊາວໜຸ່ມ ເຊິ່ງໄດ້ຮັບເງິນລາງວັນຄົນລະ 2 ລ້ານ ແລະ 3 ລ້ານກີບ ພ້ອມຂັນລາງວັນ.
ແຫລ່ງຂ່າວຈາກ: Muan.la ແລະ Laos Super Model