ສຳນັກຂ່າວຕ່າງປະເທດລາຍງານຈາກເມືອງ ບາເຊໂລນາ ປະເທດ ສະເປນ ເມື່ອວັນທີ 18 ສິງຫາ 2017 ນີ້ວ່າທາງການເຂດກາຕາລູຢາໃນພາກເໜືອຂອງສະເປນ ລາຍງານການເກີດເຫດຄົນຮ້າຍຂັບລົດ ອໍດີ້ ເອ3 ໄລ່ຕຳປະຊາຊົນທີ່ກຳລັງສັນຈອນຢູ່ຕາມຖະໜົນສາຍໜຶ່ງ ໃນເມືອງ ແກມບຣິດ ຫ່າງຈາກເມືອງບາເຊໂລນາປະມານ 120 ແມັດ ເມື່ອຕອນເຊົ້າຂອງວັນສຸກຕາມເວລາທ້ອງຖິ່ນ ເຮັດໃຫ້ມີຜູ່ເສຍຊີວິດຢ່າງໜ້ອຍ 13 ຄົນ ມີປະຊາຊົນໄດ້ຮັບບາດເຈັບ 6 ຄົນ ມີ 1 ຄົນອາການສາຫັດ ແລະ ມີຕຳຫຼວດບາດເຈັບ 1 ຄົນ ແລະ  ໄດ້ຮັບບາດເຈັບເລັກໜ້ອຍປະມານ 100 ຄົນ ໂດຍຜູ່ເຄາະຮ້າຍສ່ວນໃຫຍ່ຈະເປັນນັກທ່ອງທ່ຽວ

ເຫດການດັ່ງກ່າວເກີດຂຶ້ນພຽງບໍ່ພໍເທົ່າໃດຊົ່ວໂມງ ກ່ອນທີ່ເຈົ້າໜ້າທີ່ຈະລົງມືປະຕິບັດການຕໍ່ຕ້ານການກໍ່ການຮ້າຍ ແລະ ສັງຫານຜູ່ຕ້ອງສົງໃສເສຍຊີວິດ 5 ຄົນ

ເຫດກໍ່ການຮ້າຍໃນຄັ້ງນີ້ກຸ່ມໄອເອສໄດ້ເຜີຍແພ່ຖະແຫຼງການຜ່ານສຳນັກຂ່າວອາມັດວ່າເປັນຜູ່ບົງການໃຫ້ “ທະຫານສັກສິດ” ລົງມືກໍ່ເຫດທີ່ເມືອງ ບາເຊໂລນາ.