ນັກກີລາກະຕໍ້ຊິນລອນຂອງລາວ ສາມາດຍາດໄດ້ 2 ຫຼຽນທັບອິດໃຫ້ກັບທັບນັກກີລາ ສປປ ລາວ ໃນງານມະຫາກຳກີລາ ຊີເກມ ຄັ້ງທີ 29 ທີ່ປະເທດມາເລເຊຍ
ອີງຕາມເວັບໄຊທາງການຂອງຊີເກມ 2017 ຫຼື ກົວລາລຳເປີ ເກມ ລະບຸເມື່ອຕອນບ່າຍຂອງວັນທີ 17 ສິງຫາ ທີ່ຜ່ານມາ ເປັນການແຂ່ງຂັນຮອບຊິວຊະນະເລີດ ຊີນລອນ ອີເວັນ 4 ລະຫວ່າງທີມຊາດລາວ ພົບກັບ ມຽນມາ
ໂດຍນັກກີລາກະຕໍ້ຂອງລາວເກັບຄະແນນໄດ້ 148 ຄະແນນ ເສຍໃຫ້ກັບມຽນມາພຽງແຕ່ຄະແນນດຽວເທົ່ານັ້ນ (148-149) ສົ່ງຜົນໃຫ້ມຽນມາຄວ້າຫຼຽນຄຳໄປຄອງ
ສ່ວນອີກຫຼຽນຂອງກະຕໍ້ຊິນລອນລາວ ແມ່ນໄດ້ມາຈາກລາຍການ ກະຕໍ້ ຊິນລອນ ອີເວັນ 2 ເມື່ອວັນທີ 16 ທີ່ຜ່ານມາ ທີ່ສາມາດຍາດໄດ້ຫຼຽນທອງຮ່ວມກັບເຈົ້າພາບມາເລເຊຍ, ສ່ວນຫຼຽນຄຳຕົກເປັນຂອງມຽນມາ ແລະ ຫຼຽນເງິນຕົກເປັນຂອງໄທ
ແຫລ່ງຂ່າວ: ໜັງສືພິມເສດຖະກິດ-ການຄ້າ