ອິນເດຍສ້າງກະແສໃໝ່ ປັບປ່ຽນຈາກ Ice Bucket Challenge ມາເປັນ Rice Bucket Challenge ແທນ ໂດຍບໍ່ຕ້ອງ

ຫົດນ້ຳກັນໃຫ້ປຽກ ແລະ ໜາວເຢັນ ແຕ່ໃຫ້ບໍລິຈາກເຂົ້າແກ່ຜູ້ທີ່ເດືອດຮ້ອນແທນ.

ໃນຂະນະທີ່ຫຼາຍໆສັງຄົມໃນທົ່ວໂລກ ລວມທັງລາວເຮົາເອງ ໄດ້ແຫ່ແຫນກັນກັບກະແສ Ice Bucket Challenge ເພື່ອ

ເອົານ້ຳກ້ອນມາໃສ່ຖັງນ້ຳໃຫ້ເຢັນ ແລ້ວຍົກຫົດໃສ່ຕົນເອງກັນຢ່າງໃຫຍ່ນັ້ນ ຢູ່ໃນສັງຄົມອິນເດຍກໍມີກະແສດັ່ງກ່າວ

ເປັນທີ່ກຳລັງນິຍົມກັນຢ່າງກວ້າງຂວາງເຊັ່ນກັນ ແຕ່ມີການປັບປ່ຽນໃຫ້ເຂົ້າກັບສະພາບຂອງສັງຄົມຊາວອິນເດຍໄດ້

ເປັນຢ່າງດີ ເພາະແທນທີ່ຈະເອົານ້ຳເຢັນໃສ່ຖັງມາຫົດກັນໃຫ້ປຽກນັ້ນ ຊ້ຳພັດໄດ້ປ່ຽນມາເປັນການທ້າ Rice Bucket

Challenge ດ້ວຍການນຳເອົາເຂົ້າສານໃສ່ຖັງໄປບໍລິຈາກ ໃຫ້ແກ່ຄົນທີ່ກຳລັງລຳບາກຢູ່ ເຊິ່ງມີຢູ່ຢ່າງຫຼວງຫຼາຍພາຍ

ໃນສັງຄົມແທນ ໂດຍນັບວ່າເປັນການສ້າງກະແສຮິດຢ່າງສະຫຼາດແຫຼມຄົມຂອງຊາວອິນເດຍ.

ຕາມລາຍງານຂອງເວັບຂ່າວຂອງອິນເດຍ ເມື່ອວັນທີ 25 ສິງຫາ 2014 ນີ້ ໄດ້ລະບຸວ່າ ຜູ້ລິເລີ່ມປ່ຽນພາລະກິດຈາກ

Ice Bucket Challenge ມາເປັນ Rice Bucket Challenge ຄົນທຳອິດນັ້ນຄື ທ່ານ ມັນຈຸ ລາທາ ກລານິດ ໂດຍມີກະ

ຕິກາງ່າຍໆຄືວ່າ ໃຫ້ແບ່ງເອົາເຂົ້າສານຈາກເຮືອນຂອງຕົນໜຶ່ງຖັງ ໄປມອບໃຫ້ກັບໃຜກໍໄດ້ທີ່ກຳລັງເດືອດຮ້ອນ

ແລະ ຕ້ອງການມັນ ແລ້ວຖ່າຍຮູບໂພສຕ໌ລົງເຟສບຸກ ຈາກນັ້ນກໍແທັກ #Rice Bucket Challenge ໄປທ້າໝູ່ເພື່ອນ

ຄົນອື່ນໆອີກຕໍ່ໄປ.