ເວັບໄຊ ຂ່າວຈີນ “ເດິ ເປເປີຣ” ລາຍງານຈາກເມືອງ ຊຽງໄຮ້ ປະເທດ ຈີນວ່າ ມີຜົວເມຍຄູ່ໜຶ່ງໃນເມືອງຊຽງໄຮ້ຂອງຈີນ ໄດ້ສົງໃສວ່າລູກຊາຍທີ່ພວກຕົນເອງລ້ຽງມາກວ່າ 28 ປີ ອາດຈະບໍ່ແມ່ນລູກຊາຍຂອງຕົນເອງແທ້ໆ ເນື່ອງຈາກວ່າ ທ້າວ ຫວັງ ເຍ່ ລຼກຊາຍຂອງພວກເຂົາໜ້າຕາດີເກີນໄປ ໜ້າຕາດີເກີນພໍ່ແມ່ ຍ້ອນຂໍ້ສົງໃສດັ່ງກ່າວນີ້ເຮັດໃຫ້ຜົວເມຍເກີດມີປາກສຽງກັນ ເພາະຜູ່ເປັນຜົວຄິດວ່າເມຍນອກໃຈແລ້ວມີລູກຊາຍຄົນນີ້ຂຶ້ນມາ ແລະ ພວກເຂົາຢ່າຮ້າງຂາດກັນຕັ້ງແຕ່ປີ 2004 ຈາກນັ້ນຝ່າຍຜົວໄດ້ກັບມາເພື່ອຂໍໃຫ້ມີການກວດດີເອັນເອຂອງລູກຊາຍເພື່ອພິສູດຄວາມຈິງ ກ່ອນຈະພົບວ່າ ດີເອັນເອຂອງຜູ່ເປັນລູກນັ້ນບໍ່ກົງກັບດີເອັນເອຂອງຜູ່ເປັນພໍ່ແມ່ ແລະ ເຮັດໃຫ້ພວກເຂົາຕັ້ງຂໍ້ສົງໃສວ່າ ອາດເກີດຄວາມຜິດພາດຂຶ້ນຕັ້ງແຕ່ຕອນທີ່ເດັກເກີດມາທີ່ໂຮງໝໍຊຽງໄຮ້ ເມື່ອປີ 1989 ໂດຍມີຄວາມເປັນໄປໄດ້ວ່າ ພະຍາບານຈະອຸ້ມເດັກນ້ອຍຜິດຄົນມາໃຫ້ພວກເຂົາ
ເມື່ອຄວາມຈິງຖືກເປີດເຜີຍອອກມາແລ້ວ ທ້າວ ຫວັງເຍ່ ກ່າວວ່າ ລາວເອງຮູ້ສຶກຕົກໃຈຫຼາຍ ເນື່ອງຈາກວ່າລາວຢູ່ຮ່ວມກັບຄອບຄົວນີ້ມາດົນ ແລະ ຍັງທຳໃຈໃຫ້ເຊື່ອຄວາມຈິງບໍ່ທັນໄດ້ ປັດຈຸບັນນາງຈາງຜູ່ເປັນແມ່ໄດ້ດຳເນີນຄະດີຮ້ອງຟ້ອງທາງໂຮງໝໍຊຽງໄຮ້ ຮຽກຄ່າເສຍຫາຍກວ່າ 1,3 ລ້ານຢວນ ແລະ ຕ້ອງການຫາລູກທີ່ແທ້ຈິງໃຫ້ພົບ ຮວມທັງຕ້ອງການຕາມຫາພໍ່ແມ່ທີ່ແທ້ຈິງຂອງທ້າວ ຫວັງເຍ່ໃຫ້ພົບຄືກັນ ດ້ານໂຮງໝໍທີ່ຕົກເປັນຜູ່ສົງໃສວ່າເຮັດ ຜິດ ພາດກໍ່ກຳລັງດຳເນີນການສອບສວນເລື່ອງດັ່ງກ່າວ.
ແຫລ່ງຂ່າວ: www.dailynews.co.th/Thepaper.cn