ເມື່ອນັກຂ່າວຕ່າງປະເທດລາຍງານຈາກນະຄອນຫຼວງນິວຢອກ ປະເທດສະຫະລັດອາເມລິກາ ເມື່ອວັນທີ 8 ສິງຫາ ວ່າສຳນັກຂ່າວຫຼາຍແຫ່ງຂອງສະຫະລັດລາຍງານວ່າ ທ້າວ ວາຄືນ ກຸຊແມນ ຫຼື ເອລ ຊາໂປ ເຈົ້າພໍ່ຄ້າຢາເສບຕິດຊື່ດັງລະດັບໂລກ ເຊິ່ງມີຖານທີ່ໝັ້ນປະຕິບັດການຢຸ່ໃນລັດຊິນາໂລອາ ທາງຕະເວັນຕົກສຽງເໜືອຂອງແມັກຊິໂກ ແລະ ຖືກຂັງໄວ້ຢູ່ໃນຄຸກຄວາມໝັ້ນຄົງສູງສຸດໃນນິວຢອກ ຕັ້ງແຕ່ເດືອນມີນາ ທີ່ຜ່ານມາ ໄດ້ຈ້າງທີມທະນາຍທີ່ຢູ່ໃນອັນດັບຕົ້ນໆຂອງສະຫະລັດມາ 4 ຄົນ ເພື່ອເຮັດໜ້າທີ່ແກ້ຕ່າງໜ້າຂໍ້ຫາອາຊະກອນຮ້າຍແຮງຫຼາຍຄະດີ ໂດຍ ເອລ ຊາໂປ ອາດຕ້ອງໄດ້ຮັບໂທດຕິດຄຸກຕະຫຼອດຊີວິດ

ເອລ ຊາໂປ ປັດຈຸບັນອາຍຸ 60 ປີ ຖືກຈັບຄັ້ງທຳອິດທີ່ກົວເຕມາລາ ເມືອປີ 1993 ແລະ ເນລະເທດໃຫ້ມາຮັບໂທດຈຳຄຸກທີ່ແມັກຊິໂກ ແຕ່ລາວຫຼົບໜີອອກມາໄດ້ເມືອປີ 2001 ໂດຍຊ້ອນຕົວຢູ່ທີ່ລົດສົ່ງຜ້າສຳລັບຊັກລີດ ແຕ່ກໍ່ຖືກຈັບຕົວໄດ້ໃນປີ 2013 ແບະ ຮັບໂທດຈຳຄຸກໃນຄູກຄວາມໝັ້ນຄົງສູງສຸດໃນແມັກຊິໂກ ກ່ອນຈະຫຼົບໜີອອກມາໄດ້ອີກ 18 ເດືອນຕໍ່ມາ ແຕ່ລາວກໍ່ຖືກຈັບໄດ້ເມື່ອເດືອນ ມີນາ 2017 ທີ່ຜ່ານມາ