spot_img
Homeຂ່າວນໍ້າຖ້ວມທາງການແຂວງອຸດົມໄຊເລັ່ງສໍາຫລວດຜົນເສຍຫາຍຈາກໄພນໍ້າຖ້ວມ

ທາງການແຂວງອຸດົມໄຊເລັ່ງສໍາຫລວດຜົນເສຍຫາຍຈາກໄພນໍ້າຖ້ວມ

Published on

ແຫລ່ງຂ່າວທ້ອງຖິ່ນໃຫ້ຮູ້ວ່າ: ປັດຈຸບັນ, ພາກສ່ວນກ່ຽວຂ້ອງຕ່າງໆຂອງແຂວງໄດ້ລົງເກັບກໍາຂໍ້ມູນຄວາມເສຍຫາຍຈາກໄພທໍາມະຊາດທີ່​ເກີດ​ຂຶ້ນ​ເມື່ອ​ທ້າຍ​ອາທິດ​ຜ່ານ​ມາ​ນີ້, ຊຶ່ງຕາມການເກັບກໍາຂໍ້ມູນລ້າສຸດຂອງພະແນກແຮງງານ ແລະ ສະຫວັດດີການສັງຄົມແຂວງໃນວັນທີ 7 ສິງຫານີ້ໃຫ້ຮູ້ວ່າ: ໄພນໍ້າຖ້ວມຄັ້ງນີ້ໄດ້ສົ່ງກະທົບເສຍຫາຍຕໍ່ຊີວິດ ແລະ ຊັບສີນ​ເປັນ​ຈໍານວນ​ບໍ່​ໜ້ອຍ​ຄື: ຢູ່ບ້ານນາໝີ ມີເຮືອນປະຊາຊົນ 13 ຫລັງຖືກເປ່ເພ ແລະ ມີເຂົ້າເປືອກເສຍຫາຍຫລາຍກວ່າ 7 ໂຕນ, ພ້ອມມີເນື້ອທີ່ນາເສຍຫາຍຫລາຍກວ່າ 1 ເຮັດຕາ, ບ້ານຖ້ຽວ ມີປະຊາຊົນເກືອບ 120 ຄອບຄົວ, ມີພົນລະເມືອງ 580 ກວ່າຄົນໄດ້ຮັບຜົນກະທົບ, ພ້ອມເນື້ອທີ່ນາຫລາຍກວ່າ 12 ເຮັກຕາເສຍຫາຍ, ບ້ານຫ້ວຍຂຸນມີເກືອບ 50 ຄອບຄົວ, ພົນລະເມືອງ 200 ກວ່າຄົນໄດ້ຮັບຜົນກະທົບ, ມີເຮືອນ 8 ຫລັງຖືກນໍ້າພັດໄຫລໄປ ແລະ ຫລາຍກວ່າ 20 ຫລັງໄດ້ຮັບການເປ່ເພ, ພ້ອມມີເນື້ອທີ່ນາຫລາຍກວ່າ 1 ເຮັກຕາເສຍຫາຍ, ຢູ່ບ້ານຖິ່ນມີເຮືອນ 15 ຫລັງຖືກເປ່ເພ ແລະ ມີປະຊາຊົນ 80 ກວ່າຄົນໄດ້ຮັບຜົນກະທົບ, ສ່ວນຢູ່ບ້ານກອນແກ່ນມີເຮືອນປະຊາຊົນ 50 ກວ່າຫລັງໄດ້ຖືກເປ່ເພ, ປະຊາຊົນຫລາຍກວ່າ 230 ຄົນໄດ້ຮັບຜົນກະທົບ ແລະ ມີຜູ້ເສຍຊີວິດ 1 ຄົນ, ພ້ອມມີເນື້ອທີ່ການຜະລິດເສຍຫາຍຫລາຍກວ່າ 20 ເຮັດຕາ, ນອກຈາກນີ້ຍັງມີບ້ານວັງໄຮແມ່ນມີ 7 ຫລັງຄາເຮືອນ, ພົນລະເມືອງ 40 ກວ່າຄົນ, ບ້ານລ້ອງກໍມີ 1 ຫລັງຄາເຮືອນ ແລະ ບ້ານນາຫວານນ້ອຍມີ 33 ຫລັງຄາເຮືອນຖືກເປ່ເພ ແລະ ມີປະຊາຊົນຫລາຍກວ່າ 200 ຄົນໄດ້ຮັບຜົນກະທົບ ແລະ ລວມຜົນເສຍຫາຍທັງໝົດ​ໃນເບື້ອງຕົ້ນຕົກຢູ່ປະມານ 3,5 ຕື້ກີບ. ນອກຈາກນີ້ຍັງມີເສົາໄຟຟ້າເສຍຫາຍຫລາຍສີບຕົ້ນ, ລະບົບຊົນລະປະທານ, ຄອງເມືອງ ແລະ ເສັ້ນທາງຫລາຍຈຸດຖືກຕັດຂາດ ເຮັດໃຫ້ບໍ່ສາມາດສັນຈອນໄປມາໄດ້, ເຊິ່ງພາກສ່ວນກ່ຽວຂ້ອງຂອງແຂວງ ໄດ້ລະດົມກໍາລັງ ປກສ-ປກຊ ເຂົ້າຊ່ວຍເຫລືອປະຊາຊົນຜູ້ໄດ້ຮັບຜົນກະທົບ, ພ້ອມທັງເລັ່ງສ້ອມແປງສຸກເສີນວຽກງານພື້ນຖານໂຄງລ່າງຈຸດທີ່ເສຍຫາຍເປ່ເພ ເພື່ອໃຫ້ສາມາດກັບຄືນສູ່ສະພາບປົກກະຕິໂດຍໄວ.

ບົດຄວາມຫຼ້າສຸດ

ທ່ານ ງາມປະສົງ ເມືອງມະນີ ລັດຖະມົນຕີກະຊວງ (ຍທຂ) ຊີ້ແຈງສືບຕໍ່ແກ້ໄຂຜົນກະທົບຈາກໂຄງການທາງລົດໄຟລາວ-ຈີນ

ສືບຕໍ່ແກ້ໄຂຜົນກະທົບຈາກໂຄງການທາງລົດໄຟລາວ-ຈີນທີ່ຍັງບໍ່ທັນສໍາເລັດ 16 ໜ້າວຽກ ໃນວາລະການດຳເນີນກອງປະຊຸມໃນກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ທ່ານ ງາມປະສົງ ເມືອງມະນີ ລັດຖະມົນຕີກະຊວງໂຍທາທິການ ແລະ ຂົນສົ່ງ...

ແຕ່ງຕັ້ງ ທ່ານ ພອນວິໄລ ແກ້ວບຸນສານ ເປັນຮັກສາການຫົວໜ້າຄະນະຄຸ້ມຄອງດ່ານສາກົນແດນສະຫວັນ.

ປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນ ວັນທີ 10 ມີຖຸປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນນາ 2025 ຜ່ານມາ, ດ່ານສາກົນແດນສະຫວັນ ແຂວງສະຫວັນນະເຂດ ໄດ້ປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນ,...

ຖວທ ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານໃນໄລຍະຜ່ານມາ

ຖວທ ສະຫຼຸບການປະຕິບັດວຽກງານ ແລະ ເຜີຍແຜ່ແຈ້ງການກ່ຽວກັບການປັບປຸງກົງຈັກ - ບຸກຄະລາກອນ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານໃນໄລຍະຜ່ານມາ, ພ້ອມທັງເຜີຍແຜ່ແຈ້ງການກ່ຽວກັບການປັບປຸງກົງຈັກ ແລະ ບຸກຄະລາກອນ...

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ ທ່ານ ສົມມາດ ພົນເສນາ ຮອງປະທານສະພາແຫ່ງຊາດ ໄດ້ຖະແຫຼງຂ່າວຜົນການພິຈາລະນາບົດລາຍງານຂອງລັດຖະບານ ໃນການຈັດຕັ້ງປະຕິບັດບັນດານະໂຍບາຍ, ນິຕິກຳ, ກົນໄກ ໃນການພັດທະນາພະລັງງານໄຟຟ້າໃນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ...