ສຳນັກຂ່າວຕ່າງປະເທດ ລາຍງານໃນວັນທີ 2 ສິງຫານີ້ວ່າ ເກີດເຫດຄົນຮ້າຍໂຈມຕີດ້ວຍລະເບີດຂ້າຕົວຕາຍ ໃ່ສ່ມັດສະຍິດຊາວມຸດສະລິມ ນິກາຍຊີອະ ແຫ່ງໜຶ່ງໃນເມືອງເຮຣັດ ທາງພາກຕາເວັນຕົກຂອງປະເທດອັບການິສະຖານ ເມື່ອວັນທີ 1 ສິງຫາຜ່ານມານີ້ ສົ່ງຜົນເຮັດໃຫ້ມີຜູ້ເສຍຊີວິດ ຫລາຍກວ່າ 20 ຄົນ ແລະ ບາດເຈັບອີກຫລາຍກວ່າ 30 ຄົນ, ເຈົ້າໜ້າທີ່ທາງການທ້ອງຖິ່ນໄດ້ລະບຸວ່າ ຜູ້ເສຍຊີວິດ ແລະ ໄດ້ຮັບບາດເຈັບທັງໝົດ ກຳລັງສະແຫວງບຸນໃນມັດສະຍິດ ໃນຂະນະທີ່ມີຄົນຮ້າຍຈູດລະເບີດຂ້າຕົວຕາຍ.

ຍັງບໍ່ທັນມີກຸ່ມໃດອອກມາອ້າງຄວາມຮັບຜິດຊອບ ຕໍ່ກັບເຫດໂຈມຕີດັ່ງກ່າວນີ້ເທື່ອ, ທັງນີ້ ນັບຕັ້ງແຕ່ປີ 2017 ເປັນຕົ້ນມາ ມີລາຍງານພົນລະເຮືອນອັບການິສະຖານ ເສຍຊີວິດຈາກສະຖານະການຄວາມຮຸນແຮງຕ່າງໆພາຍໃນປະເທດແລ້ວ ຫລາຍກວ່າ 1,700 ຄົນ.