24 ສິງຫາ 2014 ຊຸດສືບສວນ ເມືອງເລີຍ ປະເທດໄທ ໄດ້ຮັບແຈ້ງຈາກສາຍຂ່າວໃຫ້ຮູ້ວ່າຈະມີຍິງລາວເອົາຢາບ້າໄປສົ່ງໃຫ້ພໍ່ຄ້າຄົນໄທ ໂດຍນັດສົ່ງຢາຢູ່ທີ່ເດິ່ນຈອດລົດ ໂຮງໝໍທ່າລີ່ ຈັງຫວັດເລີຍ ຈຶ່ງຈັດກຳລັງກະຈາຍກັນຈອບຢູ່ ຈົນເວລາ 8:00 ໂມງ ຍິງຄົນລາວຜູ້ໜຶ່ງຍ່າງມາຍັງເດິ່ນຈອດລົດຂອງໂຮງໝໍທ່າລີ່ ຕາມທີ່ສາຍລາຍງານ.
ຕຳຫຼວດທີ່ຈອບຢູ່ຈຶ່ງເຂົ້າຄວບຄຸມໂຕທັນທີ ພ້ອມກັບຢຶດກະເປົາແບບມືຖື ຊາບຊື່ຄື ນາງໃຈ ກັນຍາພັກ ອາຍຸ 55 ປີ ຈາກການຄົ້ນໃນກະເປົາທີ່ຖືມາ ພົບຢາບ້າຈຳນວນ 1,397 ເມັດ ຢູ່ໃນຖົງປລາສຕິກພັນດ້ວຍເຈ້ຍສະຕິກເກີ ຈຶ່ງຄວບຄຸມໂຕໄປສອບສວນ ທີ່ສຳນັກງານຕຳຫຼວດ ຈັງຫວັດເລີຍ ເພື່ອຂະຫຍາຍຜົນ ຈາກນັ້ນໄດ້ສົ່ງໂຕໃຫ້ ສຳນັກງານຕຳຫຼວດອຳເພີທ່າລີ່ ເພື່ອດຳເນີນຄະດີຕໍ່ໄປ.
ຂ່າວສົດ