spot_img
Homeຂ່າວຕ່າງປະເທດຕຳຫລວດອາເມຣິກາພາດ! ບຸກຈັບຜູ້ຖືກຫາຜິດຫລັງຄາເຮືອນ ຊ້ຳຍິງເຈົ້າຂອງເຮືອນເສຍຊີວິດອີກ!

ຕຳຫລວດອາເມຣິກາພາດ! ບຸກຈັບຜູ້ຖືກຫາຜິດຫລັງຄາເຮືອນ ຊ້ຳຍິງເຈົ້າຂອງເຮືອນເສຍຊີວິດອີກ!

Published on

ສຳນັກຂ່າວຕ່າງປະເທດ ລາຍງານໃນວັນທີ 26 ກໍລະກົດຜ່ານມານີ້ວ່າ ເຈົ້າໜ້າທີ່ຕຳຫລວດເມືອງເຊົ້າເຮເວັນ ລັດມິດຊິສຊິບປີ ສະຫະລັດອາເມຣິກາ ໄດ້ປະຕິບັດໜ້າທີ່ຜິດພາດ ຫລັງຈາກທີ່ສານໄດ້ອອກໝາຍຈັບ ທ້າວ ຊາມູເອວ ແພຣແມນ ໃນຂໍ້ຫາໃຊ້ຄວາມຮຸນແຮງພາຍໃນຄອບຄົວ ແຕ່ເມື່ອເຈົ້າໜ້າທີ່ມາເຖິງບໍລິເວນເຮືອນຂອງຜູ້ຖືກຫາ ຊ້ຳພັດເຂົ້າກວດຄົ້ນຜິດຫລັງ ຊຶ່ງເປັນເຮືອນຂອງ ທ້າວ ອິສມາເອວ ໂລເປສ ທີ່ຢູ່ຄົນລະຟາກທາງ ກົງກັນຂ້າມກັນ, ຊໍ້ຳບໍ່ໜຳ ເຈົ້າໜ້າທີ່ຕຳຫລວດ ຍັງຍິງເຈົ້າຂອງເຮືອນເສຍຊີວິດນຳອີກ.

ນາງ ເຄລາເດຍ ລິນາເຣສ ພັນລະຍາຂອງຜູ້ເສຍຊີວິດໄດ້ກ່າວວ່າ ຕອນເຈົ້າໜ້າທີ່ບຸກເຂົ້າມາ ຕົນເອງ ແລະ ສາມີ ໄດ້ເຂົ້ານອນແລ້ວ ແລະ ເມື່ອມີສິ່ງຜິດປົກກະຕິ ຕົນເອງໄດ້ບອກໃຫ້ສາມີອອກໄປຍ່າງກວດເບິ່ງບໍວິເວນໜ້າບ້ານ ຊຶ່ງຕໍ່ມາກໍໄດ້ຍິນສຽງປືນ ຕົນເອງໄດ້ແລ່ນອອກໄປເບິ່ງ ກໍເຫັນສາມີຖືກຍິງເສຍຊີວິດແລ້ວ.

ດ້ານທ່ານ ເມີເຣ ເວສ໌ ທະນາຍຄວາມຂອງຄອບຄົວຜູ້ເສຍຊີວິດ ໄດ້ກ່າວວ່າ ເຫດການນີ້ເປັນໂສກນາຕະກຳຢ່າງບໍ່ໜ້າເຊື່ອ ແລະ ເປັນເລື່ອງທີ່ໜ້າອັບອາຍໃຫ້ແກ່ຕຳຫລວດ ທີ່ບໍ່ອ່ານເບິ່ງເລກທີ່ເຮືອນໃຫ້ລະອຽດ ຫລື ແນວໃດ, ເມື່ອກວດເບິ່ງຮູລູກປືນທີ່ປະຕູເຮືອນແລ້ວ ກໍຍັງສະແດງໃຫ້ເຫັນອີກວ່າ ເຈົ້າໜ້າທີ່ຕຳຫລວດ ໄດ້ຍິງທະລຸປະຕູເຂົ້າມາ.

 

 

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...