ສຳນັກຂ່າວຣອຍເຕີ້ ລາຍງານໃນວັນທີ 25 ກໍລະກົດຜ່ານມານີ້ວ່າ ກຳປັ່ນລາດຕະເວນທັນເດີໂບດ ຂອງກອງທັບເຮືອສະຫະລັດອາເມຣິກາ ໄດ້ຍິງເຕືອນເຂົ້າໃສ່ກຳປັ່ນຂອງກອງກຳລັງທະຫານອີຣ່ານ ຢູ່ທາງຕອນເໜືອຂອງອ່າວເປີເຊຍ ເມື່ອເວລາ 03:00 ໂມງ ຕາມເວລາໃນທ້ອງຖິ່ນ ຂອງວັນທີ 25​ ກໍລະກົດຜ່ານມາ ຫລັງຈາກທີ່ເຮືອກຳປັ່ນຂອງອີຣ່ານ ແລ່ນເຂົ້າມາພາຍໃນລັດສະໝີ 150 ຫລາ (137 ແມັດ) ຊຶ່ງເຈົ້າໜ້າທີ່ກະຊວງປ້ອງກັນປະເທດອາເມຣິກາ ໄດ້ລະບຸວ່າ ກຳປັ່ນລຳດັ່ງກ່າວ ແລ່ນເຂົ້າມາດ້ວຍຄວາມໄວສູງ ໂດຍທີ່ບໍ່ຕອບສະໜອງໃດໆຕໍ່ສັນຍານເຕືອນ ແລະ ບໍ່ຕອບສະໜອງຕໍ່ສັນຍານຕິດຕໍ່ ຈຶ່ງບໍ່ມີທາງເລືອກອື່ນ ນອກຈາກຍິງເຕືອນ.

ເຈົ້າໜ້າທີ່ລາຍດັ່ງກ່າວ ຊຶ່ງບໍ່ປະສົງອອກນາມຍັງເປີດເຜີຍອີກວ່າ ຫລັງຈາກກຳປັ່ນຂອງອາເມຣິກາຍິງເຕືອນໄປຫລາຍນັດ ກຳປັ່ນຂອງອີຣ່ານຈຶ່ງຢຸດ ສ່ວນກຳປັ່ນທັນເດີໂບດ ກໍແລ່ນໄປຕາ່ມເສັ້ນທາງຂອງຕົນເອງຕາມປົກກະຕິ.