ໂຄງການເອສແຫ່ງສະຫະປະຊາຊາດເປີດເຜີຍວ່າ ຍອດຜູ່ເສຍຊີວິດຈາກທົ່ວໂລກຫຼຸດລົງເກືອບເຄິ່ງໜຶ່ງ ແລະ ໄດ້ຮັບຢາຕ້ານໄວຣັສແລ້ວ 19,5 ລ້ານຄົນ
ຕາມຂ່າວຕ່າງປະເທດລາຍງານວ່າ ໂຄງການເອສແຫ່ງສະຫະປະຊາຊາດ ເປີດເຜີຍລາຍງານຫຼ້າສຸດ ການຕໍ່ສູ້ກັບພະຍາດລະບາດຮ້າຍແຮງຢ່າງໂຣກເອສກຳລັງມີຄວາມຄືບໜ້າຫຼາຍ ໂດຍໃນປີ 2016 ທີ່ຜ່ານມາມີຄົນເຈັບຕິດເຊື້ອເອສເສຍຊີວິດມີຈຳນວນຫຼຸດລົງເຫຼືອ 1 ລ້ານຄົນ ເຊິ່ງນັບວ່າຫຼຸດລົງເກືອບເຄິ່ງນັບແຕ່ປີ 2015 ບໍ່ພຽງແຕ່ຜູ່ຕິດເຊື້ອເອສໄອວີຫຼຸດລົງເທົ່ານັ້ນ ແຕ່ຈຳນວນຜູ່ທີ່ໄດ້ຮັບຢາຕ້ານໄວຣັາເອສມີເກືອບເຄິ່ງແລ້ວ ຈາກລາຍງານຂອງ ຄງການເອສແຫ່ງສະຫະປະຊາຊາດ ແຈ້ງໃຫ້ຮູ້ວ່າ ໃນປີທີ່ຜ່ານມາຈາກ 19,5 ລ້ານຄົນ ຈາກທັງໝົດ 36,7 ລ້ານຄົນ ແລະ ຈຳນວນຜູ່ເສຍຊີວິດຫຼຸດລົງຈາກ 19,5 ລ້ານຄົນໃນປີ 2015 ເຫຼືອພຽງ 1 ລ້ານຄົນໃນປີທີ່ຜ່ານມາ
ທັງນີ້ ນັບຕັ້ງແຕ່ມີການແພ່ລະບາດຂອງໂຣກເອສຕັ້ງແຕ່ປີ 1980 ເຮັດໃຫ້ມີຜູ່ເສຍຊີວິດທົ່ວໂລກໄປແລ້ວປະມານ 35 ລ້ານຄົນ.
ແຫລ່ງຂ່າວ: ໜັງສືພິມເສດຖະກິດ-ສັງຄົມ