ຄຳເຕືອນ ໃຫ້ເຝົ້າລະວັງສະພາບຝົນຕົກໜັກ, ນໍ້າຖ້ວມຊຸ່ ແລະ ນໍ້າຖ້ວມຍື່ງ ປະຈຳວັນທີ ວັນທີ 24 ກໍລະກົດ 2017
ພາຍຸຊົງກາ (SONCA) ຫົວທີ 8 ປະຈຳປີ 2017 ໄດ້ກໍ່ຕົວຂຶ້ນຢູ່ເຂດທະເລຈີນໃຕ້ ຊຶ່ງໃນເວລາ 8 ໂມງ ຂອງວັນທີ 24 ກໍລະກົດ 2017 ມີຈຸດສູນກາງຢູ່ເສັ້ນຂະໜານທີ 17.2 ອົງສາເໜືອ, ເສັ້ນແວງທີ 111.3 ອົງສາ ຕາເວັນອອກ ແລະ ຄວາມໄວລົມສູງສຸດຢູ່ໃກ້ຈຸດສູນກາງ 65 ກິໂລແມັດຕໍ່ຊົ່ວໂມງ. ຄາດວ່າພະຍຸຫົວນີ້້ຈະເຄື່ອນເຂົ້້າຝັ່ງປະເທດຫວຽດນາມໃນຕອນຄໍ່າຂອງວັນທີ 25 ກໍລະກົດ 2017 ນີ້, ຊຶ່ງຈະເຮັດໃຫ້ມໍລະສຸມຕາເວັນຕົກສ່ຽງໃຕ້ພັດປົກຄຸມດ້ວຍກຳລັງປານກາງຫາແຮງຢູ່ເຂດພາກກາງ ແລະ ພາກໃຕ້ ແລະ ຈະມີຝົນຕົກໃນລະດັບປານກາງ ຫາ ໜັກ ພ້ອມມີລົມມພັດແຮງຢູ່ໃນເຂດດັ່ງກ່າວ. ດັ່ງນັ້ນ ຈຶ່ງຂໍອແຈ້ງເຕືອນເຖິງພໍ່ແມ່ປະຊາຊົນ ທີ່ອາໄສຢູ່ໃນເຂດພາກກາງ ແລະ ພາກໃຕ້ຈົ່ງມີສະຕິກຽມພ້ອມຮັບມືກັບສະພາບນໍ້າຖ້ວມຊຸ, ດິນເຈື່ອນ, ນໍ້າຖ້ວມອັ່ງ ແລະ ລົມພັດແຮງໃນໄລຍະວັນທີ 25 – 27 ກໍລະກົດນີ້.
ແຫລ່ງຂ່າວ: ກົມອຸຕຸນິຍົມ ແລະ ອຸທົກກະສາດ