ສຳນັກຂ່າວຕ່າງປະເທດລາຍງານຈາກນະຄອນຫຼວງ ມະນີລາ ປະເທດ ຟີລິບປິນ ເມື່ອວັນທີ 20 ກໍລະກົດ 2017 ນີ້ວ່າ ທ່ານ ອິ້ງ ເອນ ເຮນ ລັດຖະມົນຕີກະຊວງປ້ອງກັນປະເທດສິງກະໂປ ກ່າວລະຫວ່າງການຢ້ຽມຢາມນະຄອນຫຼວງ ມະນີລາ ເມື່ອວັນພຸດທີ່ຜ່ານມາໃນການພົບປະຫາລືກັບທ່ານ ເດລຟິນ ລໍເຣນຊານາ ລັດຖະມົນຕີກະຊວງປ້ອງກັນປະເທດຟິລິບປິນວ່າ ລັດຖະບານສິງກະໂປພ້ອມສະເໜີໃຫ້ການສະນັບສະໜູນທາງດ້ານເທັກນິກ ແລະ ໂຣຈິສຕິກໃຫ້ແກ່ກອງທັບຟິລິບປິນ ທີ່ຮວມເຖິງການຈັດສົ່ງເຮືອບິນລຳລຽງຊີ-130 ເພື່ອໃຊ້ບັນເທົາສິ່ງຂອງຊ່ວຍເຫຼືອດ້ານມະນຸດສະທຳ ການຈັດສົ່ງເຮືອບິນບໍ່ມີຄົນຂັບໃນການລາດຕະເວນ ແລະ ອຸປະກອນທາງທະຫານທີ່ຈຳເປັນ
ທ່ານ ອິ້ງ ກ່າວຕື່ມອີກວ່າ ລັດຖະບານສິງກະໂປຫວັງຢ່າງຍິ່ງໃນການມອບຄວາມຊ່ວຍເຫຼືອດັ່ງກ່າວຈະເພີ່ມປະສິດ ທິພາບໃນການສູ້ຮົບເພື່ອເອົາຊະນະກຸ່ມກະບົດເມົາເຕ ເຊິ່ງເປັນເຄືອຂ່າຍຂອງກຸ່ມໄອເອສ ທີ່ກຳລັງສູ້ຮົບຢູ່ເມືອງ ມາລາວີ
