ບີບີຊີລາຍງານວ່າ ຊາວບ້ານຫຍາງຊຸນ ມົນທົນຝູຈ້ຽນ ຍື່ນຄຳຮ້ອງຕໍ່ສານໃນປະເທດ ເນເທີແລນ ເມື່ອວັນທີ 14 ກໍລະກົດ 2017 ທີ່ຜ່ານມາ ເພື່ອຂໍພຣະພຸດທະຮູບລ້ຳຄ່າທີ່ບັນຈຸຮ່າງພຣະສົງໄວ້ໃນອົງພຣະ ຫຼື ທີ່ຮູ້ຈັກກັນທົ່ວໄປວ່າ ພຣະພຸດທະຮູບມຳມີ ອານຸກວ່າ 1,000 ປີ ຄືນຈາກນັກສະສົມຊາວດັຊ
ໃນຄຳຮ້ອງຕໍ່ສານລະບຸວ່າ ພຣະພຸດທະຮູບຖືກນຳໄປຈາກວັດນ້ອຍໆໃນໝູ່ບ້ານ ເມືອປີ 1995 ຈາກນັ້ນມາຮອດຮ່ອງກົວໃນປີ 1996 ແລະ ບໍ່ມີໃຜໄດ້ເຫັນອີກເລີຍ ຈົນເມື່ອມີການຈັດສະແດງໃນນະຄອນຫຼວງ ບູດາເປສ ປະເທດ ຮັງກາລີ ໃນປີ 2015
ບີບີຊີລະບຸວ່າ ຊາວງເວລາບໍ່ເທົ່າໃດປີຜ່ານມາ ທາງການຈີນພະຍາຍາມທວງຄືນສົມບັດລ້ຳຄ່າໃນປະເທດທີ່ຖືກລັກໄປ ແຄ່ຈົນຮອດທຸກວັນນີ້ມີບໍ່ພຽງເທົ່າໃດອັນເທົ່ານັ້ນທີ່ສາມາດທວງຄືນໄດ້ ໂດຍຜ່ານຂະບວນການຂອງສານ
ຄວາມຊັບຊ້ອນທາງຄະດີຫຼ້າສຸດ ເຊື່ອວ່າ ທ່ານ ອອສກາຣ ຟານ ໂອເວີຣີມ ນັກສະສົມຊາວດັຊໄດ້ພຣະພຸດທະຮູບນີ້ໄປ ດ້ວຍການສະລັບອົງພຣະຮູບອີກຫຼາຍອົງກັບພໍ່ຄ້າຂອງບູຮານອີກຄົນໜຶ່ງ ແລະ ຂະນະນີ້ບໍ່ຊັດເຈນວ່າພຣະພຸດທະຮູບທີ່ມີຮ່າງພຣະສົງນັ້ນຢູ່ໃສແທ້
ພຣະພຸດທະຮູບອົງນີ້ປະກົດເປັນຂ່າວໄປທົ່ວໂລກເມື່ອຜູ່ຊ່ຽວຊານຊາວດັຊໃຊ້ຊີທີສສະແກນພົບຮ່າງພຣະສົງຢູ່ພາຍໃນ ເຊື່ອວ່າເປັນພຣະອາຈານຫຼິວສວນ ຫຼັງຈາກອົງພຣະປະດິດສະຖານຢູ່ທີ່ວັດໝູ່ບ້ານຫຍາງຊຸນມາຫຼາຍສັດຕະວັດ ທັງຍັງເປັນອົງສັກກາລະບູຊາຂອງຊາວບ້ານໝູ່ບ້ານ ຕົງຜູ ທີ່ຢູ່ໃກ້ຄຽງ ຊາວບ້ານຊ່ວຍກັນເຊື່ອງອົງພຣະບໍ່ໃຫ້ຖືກທຳລາຍໃນຍຸກວັດທະນະທຳ ທົດສະວັດທີ 60-70 ມາໄດ້
https://youtu.be/xTkxOHJSG6w