spot_img
Homeຂ່າວເຫດການມອບ-ຮັບຫນ້າທີ່ ຫົວຫນ້າຄະນະໂຄສະນາອົບຮົມສູນກາງພັກ

ມອບ-ຮັບຫນ້າທີ່ ຫົວຫນ້າຄະນະໂຄສະນາອົບຮົມສູນກາງພັກ

Published on

 

ພິທີມອບ-ຮັບໜ້າທີ່ ຫົວໜ້າຄະນະໂຄສະນາອົບຮົມສູນກາງພັກ ລະຫວ່າງທ່ານ ສີ​ສຸກ ພິລາ​ວົງ ຮັກສາ​ການຫົວໜ້າ

ຄະນະ​ໂຄສະນາອົບຮົມ​ສູນ​ກາງ​ພັກຜູ້​ເກົ່າ ແລະ ທ່ານສາສະດາຈານ ດຣ ກິ​ແກ້ວ ​ໄຂ​ຄຳ​ພິທູນ ກຳມະການສູນກາງພັກ,

​ ເລຂາ​ຄະນະພັກ, ຫົວໜ້າຄະນະ​ໂຄສະນາ​ອົບຮົມ​ສູນ​ກາງ​ພັກຜູ້​ໃໝ່ ໄດ້ມີຂຶ້ນໃນ​ວັນ​ທີ 20 ​​ສິງຫານີ້ ຢູ່ຄະນະໂຄສະນາ

ອົບຮົມສູນກາງພັກ ໂດຍການເຂົ້າຮ່ວມຂອງ ທ່ານ ຈັນ​ສີ ໂພ​ສີຄຳ ເລຂາທິການ​ສູນ​ກາງ​ພັກ, ຫົວໜ້າຄະນະ​ຈັດຕັ້ງສູນ

​ກາງ​ພັກ, ມີ​ຄະນະ​ພັກ, ພະນັກງານລັດຖະກອນ ຄະນະ​ໂຄສະນາ​ອົບຮົມ​ສູນ​ກາງ​ພັກ​ເຂົ້າ​ຮ່ວມ ເຊິ່ງການມອບຮັບໜ້າ

ທີ່ສຳຄັນຄັ້ງນີ້ ເປັນ​ການ​ປະຕິບັດ​ຕາມ​ມະຕິຂອງ​ ກົມ​ການ​ເມືອງ​ສູນ​ກາງ​ພັກວ່າ​ດ້ວຍ​ການ​ແຕ່ງຕັ້ງ,​ ຍົກ​ຍ້າຍພະນັກ

ງານ​ການ​ນຳ ເພື່ອ​ຕອບ​ສະໜອງຄວາມ​ຮຽກຮ້ອງ​ຕ້ອງການ​ຂອງ​ໜ້າທີ່​ການ​ເມືອງ.

 

ທ່ານ ສີ​ສຸກ ພິລາ​ວົງ ​ໄດ້​ລາຍ​ງານ​​ກ່ຽວກັບ​ສະພາບ​ການເຄື່ອນ​ໄຫວ​ ປະຕິບັດໜ້າທີ່ເປັນ​ຜູ້​ຮັກສາ​ການ​ໃນ​ໄລຍະ​ສາມ​

ເດືອນ​ຜ່ານ​ມາວ່າ​: ໄດ້ສືບຕໍ່​ປັບປຸງ​ສະພາບ​ແນວ​ຄິດ​ຂອງ​ພະນັກງານ, ວຽກພັກ-ພະນັກງານ, ການ​ເຄື່ອນ​ໄຫວ​ວຽກ

ງານ​ວິຊາ​ສະ​ເພາະ, ວຽກງານ​ອົບຮົມ, ວຽກງານ​ສັງ​ລວມ ​ແລະ ຂໍ້​ມູນ​ຂ່າວສານ, ວຽກງານ​ພັດທະນາ​ພື້ນຖານ​ໂຄງ​ລ່າງ

​ແລະ ວຽກງານ​ຈຸດ​ສຸມ​ສຳລັບ​ປີ 2015.​ ສິ່ງສຳຄັນ​ແມ່ນ​ກະກຽມ​ເນື້ອ​ໃນ ການ​ສະຫລອງ​ວັນ​ສຳຄັນ​ຂອງ​ຊາດ ແລະ

ກອງ​ປະຊຸມ​ໃຫຍ່​ຄັ້ງທີ X ຂອງ​ພັກ.

 

ໂອກາດ​ນີ້, ຫົວໜ້າຄະນະ​ຈັດຕັ້ງສູນ​ກາງ​ພັກ​ກໍໄດ້​ໂອ້​ລົມ​ ແລະ ໃຫ້​ທິດ​ຊີ້​ນຳ​ໂດຍ​ເນັ້ນ​ໃຫ້ ຄະນະໂຄສະນາອົບຮົມສູນ

ກາງພັກ ເອົາ​ໃຈ​ໃສ່​ຄົ້ນ​ຄວ້າ​ເຊື່ອມ​ຊຶມ ແລະ ກຳ​ແໜ້ນມະຕິ​ກອງ​ປະຊຸມ​ໃຫຍ່ຂອງພັກ ລວມທັງ​ແຜນ​ງານ, ໂຄງການ

​ແລະ ອື່ນໆ ຢ່າງ​ເລິກ​ເຊິ່ງ​ເຖິງຖອງ. ພ້ອມທັງນຳ​ໄປ​ຈັດຕັ້ງປະຕິບັດ​ໃຫ້​ມີໝາກຜົນ​ຕົວ​ຈິງ, ​ເອົາ​ໃຈ​ໃສ່​ຕ້ານ​ການ​ໂຄສະ

ນາ​ໃສ່​ຮ້າຍ​ປ້າຍ​ສີຂອງ​ກຸ່ມ​ຄົນ​ບໍ່ດີ, ພະນັກງານ​ທຸກ​ຄົນ​ຕ້ອງ​ມີ​ທັດສະນະ​​ຖືກຕ້ອງ ​ແລະ ມີ​ອຸດົມ​ການ​​ສັງຄົມ​ນິຍົມ,

ສາມາດ​ນຳພາ​ດ້ານ​ວຽກງານ​ແນວ​ຄິດ​ໄດ້​ເປັນ​ຢ່າງ​ດີ,​ ສ້າງ​ພະນັກງານ​ຮຸ່ນໜຸ່ມ ​ໃຫ້​ເປັນ​ຫລັກ​ແຫລ່ງໃນວຽກງານໂຄ

ສະນາອົບຮົມ​ດ້ານ​ການ​ເມືອງ-​ແນວ​ຄິດ, ວຽກງານ​ປາຖະກະຖາ, ຄົ້ນ​ຄວ້າ​ການ​ນຳ​ໃຊ້​ພາຫະນະ​ສື່​ມວນ​ຊົນ​ເຂົ້າ​ໃນ​ວຽກ

​ໂຄສະນາ​ອົບຮົມ ກຽມພ້ອມເຂົ້າປະຊາຄົມອາຊຽນ, ​ເຂົ້າ​ຮ່ວມ​ຂະ​ບວນການ​ຂ່ຳນັບຮັບ​ຕ້ອນ​ ວັນ​ສຳຄັນທາງ​ປະຫວັດ

ສາດ ​ແລະ ການ​ກະກຽມໃຫ້ແກ່​ກອງ​ປະຊຸມ​ໃຫຍ່​ຄັ້ງ ທີ X ຂອງ​ພັກ​ໃຫ້​ເປັນຂະບວນຟົດຟື້ນ.

 

ແຫຼ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...