ສຳນັກຂ່າວບີບີຊີ ລາຍງານໃນວັນທີ 12 ກໍລະກົດຜ່ານມານີ້ວ່າ ກອງທັບສະຫະລັດອາເມຣິກາ ໄດ້ຖະແຫລງຜົນສຳເລັດຂອງລະບົບຕໍ່ຕ້ານຂີປະນາວຸດຂ້າມທະວີບ ຫລື THAAD ເມື່ອສາມາດທົດສອບຍິງເປົ້າໝາຍຕົກລົງມະຫາສະໝຸດປາຊີຟິກ ຊຶ່ງເປັນການສະແດງແສນຍານຸພາບຂອງຕົນວ່າ ເຖິງແມ່ນເກົາຫລີເໜືອສາມາດພັດທະນາ ລະບົບຂີປະນາວຸດຂ້າມທະວີບສຳເລັດ ແຕ່ອາເມຣິກາກໍມີລະບົບປ້ອງກັນໄດ້.
ການທົດສອບດັ່ງກ່າວນີ້ ກອງທັບສະຫະລັດອາເມຣິກາ ໄດ້ທົດສອບຍິງລະບົບຕໍ່ຕ້ານຂີປະນາວຸດດັ່ງກ່າວ ຈາກຖານທັບທາງທະຫານໃນລັດອາລາສກາ ດ້ວຍການຍິງຂີປະນາວຸດໄລຍະກາງ (IRBM) ທີ່ຖືກຍິງຈຳລອງຂຶ້ນມາ ຕົກລົງສູ່ມະຫາສະໝຸດໄດ້ສຳເລັດຕາມເປົ້າໝາຍ.