ສຳນັກຂ່າວຕ່າງປະເທດ ລາຍງານໃນວັນທີ 13 ກໍລະກົດນີ້ວ່າ ອົງການບໍລິຫານການບິນ ແລະ ອະວະກາດແຫ່ງຊາດສະຫະລັດອາເມຣິກາ ຫລື ນາຊາ ໄດ້ກວດພົບຈຸດມືດ ຫລື ຈຸດດັບເທິງດວງຕາເວັນ ລະຫວ່າງວັນທີ 5-11 ກໍລະກົດຜ່ານມານີ້ ຊຶ່ງມີຂະໜາດຄວາມກວ້າງເຖິງ 120,750 ກິໂລແມັດ ເປັນຂະໜາດທີ່ໃຫຍ່ກວ່າໂລກ ແລະ ສາມາດແນວເຫັນຈາກໂລກໄດ້. ຜູ້ຊ່ຽວຊານດ້ານດາລາສາດໄດ້ອອກມາເຕືອນວ່າ ຈຸດດັບເທິງດວງຕາເວັນທີ່ມີຂະໜາດໃຫຍ່ດັ່ງກ່າວນີ້ ສາມາດເຮັດໃຫ້ເກີດປະກົດການໂຊລາແຟລຣ໌ (Solar flare) ຫລື ການລຸກໄໝ້ຂອງດວງຕາເວັນ ຊຶ່ງສາມາດປົດປ່ອຍພະລັງງານອອກມາໃນລະດັບເອັມ ຫລື M-class ອັນຈະສົ່ງຜົນກະທົບຕໍ່ກັບສັນຍານດາວທຽມສື່ສານເທິງໂລກ.