spot_img
Homeອຸບັດເຫດແລະປາກົດການຫຍໍ້ທໍ້ກຸ່ມແກ້ງລັກຊັບພົນລະເມືອງໄປບໍ່ລອດຖືກເຈົ້າໜ້າທີ່ຈັບພ້ອມຂອງກາງ

ກຸ່ມແກ້ງລັກຊັບພົນລະເມືອງໄປບໍ່ລອດຖືກເຈົ້າໜ້າທີ່ຈັບພ້ອມຂອງກາງ

Published on

ພະແນກສືບສວນ-ສອບສວນ ປກສ ແຂວງບໍ່ແກ້ວນໍາຕົວກຸ່ມແກ້ງລັກຊັບບພົນລະເມືອງມາຮັບຂໍ້ກ່າວຫາ ແລະ ມອບຂອງກາງຄືນເຈົ້າຂອງເດີມ

ໃນວັນທີ່ 04 ກໍລະກົດ 2017 ນີ້ ພະແນກສືບສວນ-ສອບສວນ ປກສ ແຂວງບໍ່ແກ້ວໄດ້ນໍາຕົວກຸ່ມແກ້ງລັກສັບພົນລະເມືອງມາຮັບຂໍ້ກ່າວຫາພາຍຫຼັງທີ່ຖືກເຈົ້າໜ້າທີ່ຂອງພວກເຮົາຈັບຕົວໄດ້ ພ້ອມທັງ ມອບຂອງກາງຄືນເຈົ້າຂອງເດີມ ເຊິ່ງເຫດການໄດ້ເກີດຂື້ນ ໃນຄັ້ງວັນທີ 13/2/2017 ໄດ້ມີພົນລະເມືອງດີເຂົ້າມາແຈ້ງຄວາມຕໍ່ເຈົ້າໜ້າທີຕໍາຫຼວດ ພະແນກສືບສວນ-ສອບສວນຄະດີອາຍາແຂວງບໍ່ແກ້ວວ່າ: ໄດ້ມີຄົນຮ້າຍບໍ່ຊາບຊື່ເຂົ້າໄປຕັດກະແຈປະຕູຮົ້ວບ້ານ ແລ້ວລັກເອົາລົດຈັກໄປ, ພາຍຫຼັງຮັບແຈ້ງຄວາມແລ້ວ ເຈົ້າໜ້າທີພວກເຮົາກໍ່ໄດ້ແຕ່ງຕັ້ງໜ່ວຍງານວິຊາສະເພາະລົງກວດກາສັນນະສູດສະຖານທີເກີດເຫດຕົວຈິງ ເຫັນວ່າມີມູນຄວາມຈິງ, ສະນັ້ນ ເຈົ້າໜ້າທີ່ພວກເຮົາຈຶ່ງໄດ້ແຕ່ງຕັ້ງໜ່ວຍງານວິຊາສະເພາະລົງເກັບກຳຂໍ້ມູນສືບຄົ້ນຫາເປົ້າໝາຍ, ຂື້ນບັນຊີເປົ້າໝາຍ ແລະ ຂັດຈ້ອນເປົ້າ ໝາຍ, ພ້ອມທັງເປີດການສືບສວນ-ສອບສວນຊອກຫາຕາມຈັບຕົວຄົນຮ້າຍ ແລ້ວກໍ່ສາມາດຈັບໄດ້ 2 ຄົນ ໃນຄັ້ງວັນທີ 3/5/2017. ຜ່ານການສືບສວນ-ສອບສວນຂະຫຍາຍຜົນແລ້ວ ຜູ້ກ່ຽວກໍໄດ້ຊັດທອດເຖິງກຸ້ມແກ້້ງພັກພວກເປັນຈຳນວນຫຼວງຫຼາຍ, ພໍຕົກມາຮອດວັນທີ 26 – 31 /5/2017 ຈຶ່ງກັກຕົວໄດ້ຜູ້ກະທໍາຜິດອີກ 4 ຄົນ, ປະຈຸບັນລວມຜູ້ຕ້ອງຫາທີຈັບໄດ້ 8 ຄົນ, ພ້ອມດ້ວຍເຄື່ອງຂອງກາງ ລົດຈັກຈໍານວນ 7 ຄັນ, ຢາບ້າ 1310 ເມັດ, ປືນສັ້ນ 02 ກະບອກ, ປືນດັດແປງ 01 ກະບອກ, ປືນລູກຊອງ 01 ກະບອກ, ຄອມພີວເຕີໂນດບຸກ 03 ໜ່ວຍ ແລະ ປ້າຍທະບຽນລົດ 02 ອັນ.ຜ່ານການສືບສວນ-ສອບສວນພວກກ່ຽວທັງ 08 ຄົນໄດ້ຮັບສາລະພາບວ່າ: ໄດ້ຮ່ວມມືກັນກໍ່ການກະທໍາຜິດແທ້ ປັດຈຸບັນເຈົ້າໜ້າທີກຳລັງສືບຕໍ່ຂະຫຍາຍຜົນດຳເນີນຄະດີຕາມຂັ້ນຕອນຕໍ່ໄປ.

ຈາກນັ້ນ, ກໍ່ໄດ້ມີການມອບຂອງກາງ ລົດຈັກຄືນເຈົ້າຂອງເດີມ ໂດຍ ທ່ານພັທ ຄຳດີ ເກດພິນດາ ຮອງຫ້ອງຕຳຫຼວດ ປກສ ແຂວງບໍ່ແກ້ວ ພ້ອມດ້ວຍຄະນະ.

ຕໍ່ກັບເຫດການດັ່ງກ່າວ: ທ່ານພັທ ຄຳດີ ເກດພິນດາ ຮອງຫ້ອງຕຳຫຼວດ ປກສ ແຂວງບໍ່ແກ້ວ ກໍ່ໄດ້ຖະແຫຼງຂ່າວຕໍ່ສື່ມວນຊົນຮັບຊາບ ແລະ ຮຽກຮ້ອງມາຍັງພໍ່-ແມ່ປະຊາຊົນບັນດາເຜົ່າ, ຊັ້ນຄົນຕ່າງໆ, ບັນດາພະແນກການ, ສຳນັກງານ, ລັດວິສາຫະກິດ, ຮ້າງຮ້ານຂາຍເງີນ-ຄຳ, ທະນາຄານ, ນັັກທຸລະກິດທັງພາຍໃນ ແລະ ຕ່າງປະເທດທີມາລົງທຶນຢູ່ພາຍໃນແຂວງບໍ່ແກ້ວ. ຈົ່ງຍົກສູງສະຕິລະວັງຕົວ ເປັນເຈົ້າການປົກປັກຮັກສາວັດຖຸເຄື່ອງຂອງຕ່າງໆ ໃຫ້ດີ ບໍ່ໃຫ້ກຸ່ມຄົນບໍ່ດີຊອກຫາຊ່ອງຫວ່າງເຄື່ອນໄຫວກໍການກະທຳຜິດໄດ້.

ຂ່າວໂດຍ: ຮຕ ນາຊູ

 

ບົດຄວາມຫຼ້າສຸດ

ເປີດການນໍາໃຊ້ຢ່າງເປັນທາງການ ທ່າທຽບເຮືອເລກ 3 ທ່າເຮືອສາກົນ ລາວ-ຫວຽດ

ຄະນະຜູ້ແທນຂັ້ນສູງ ພັກ, ລັດ ແຫ່ງ ສປປ ລາວ ນໍາໂດຍ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ ປະທານປະເທດ ແຫ່ງ...

ຫຼາຍເພຈໃນລາວຖືກແອບອ້າງ!

ເຕືອນໄພ! ທາງສື່ສັງຄົມອອນລາຍ ປັດຈຸບັນໄດ້ມີກຸ່ມຄົນບໍ່ດີ ຫຼື ມິດສາຊີບ ພະຍາຍາມສ້າງເພຈປອມຂອງສຳນັກຂ່າວຕ່າງໆຂຶ້ນຫຼາຍ. ເມື່ອ 2 ອາທິດທີ່ຜ່ານມານີ້, ຜູ້ນຳໃຊ້ສື່ສັງຄົມອອນລາຍພົບເຫັນເພຈປອມທີ່ແອບອ້າງເປັນເພຈຂອງສຳນັກຂ່າວເພື່ອຍິງໂຄສະນາຂາຍສິນຄ້າຕ່າງໆ ໂດຍໄດ້ນຳໃຊ້ໂລໂກ້, ພາບໜ້າປົກ, ຂໍ້ມູນຂ່າວລົງໃນເພຈປອມເພື່ອໃຫ້ຜູ້ອ່ານເຊື່ອຖື ຫຼັງຈາກນັ້ນແມ່ນຍິງໂຄສະນາ ແລະ...

ພະຍາກອນອາກາດ ເຊົ້າວັນທີ 28 ເມສາ 2025

ພາກເໜືອ-ພາກກາງກຽມຮັບມື ສະພາບອາກາດຮ້ອນ-ຮ້ອນເອົ້າ ອຸນຫະພູມສູງສຸດ 40 ອົົງສາ ຄວາມກົດດັນຕ່ຳຂອງອາກາດຮ້ອນຈະປົກຄຸມຢູ່ທົ່ວທຸກພາກຂອງ ປະເທດລາວ ດ້ວຍກໍາລັງອ່ອນ, ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມ, ຊຶ່ງຈະເຮັດໃຫ້ອາກາດຮ້ອນຫາຮ້ອນເອົ້າ ແລະ ຈະມີຝົນຕົກຟ້າຮ້ອງ, ຟ້າເຫລື້ອມໃນລະດັບຄ່ອຍຫາປານກາງພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກຕື່ມອີກ. ພະຍາກອນອາກາດ ແຕ່ເວລາ 07...

ໂຫດຮ້າຍ! ຊາຍຊາວຈີນຖືກປະຕິເສດຮ່ວມຮັກກັບສາວປະເພດສອງຈຶ່ງລົງມືຄາຕະກຳສຸດໂຫດ

ຊາຍຊາວຈີນກໍ່ເຫດຄາຕະກຳສາວປະເພດສອງຢ່າງໂຫດຫ້ຽມ ທີ່ຈັງຫວັດຊົນບູລີ ປະເທດໄທ ສຳນັກຂ່າວຕ່າງປະເທດລາຍງານໃນວັນທີ 26 ເມສາ 2025, ເຈົ້າໜ້າທີ່ຕຳຫຼວດເມືອງພັດທະຍາ  ໄດ້ຮັບແຈ້ງເຫດຄາຕະກຳ ພາຍໃນອາພາດເມັ້ນແຫ່ງໜຶ່ງ ຢູ່ອຳເພີບາງລະມຸງ ຈັງຫວັດຊົນບູລີ ຫຼັງໄດ້ຮັບແຈ້ງລາຍງານ ຈຶ່ງນຳກຳລັງກອງພິສູດຫຼັກຖານ ແລະ...