ສຳນັກຂ່າວຕ່າງປະເທດ ລາຍງານໃນວັນທີ 12 ກໍລະກົດນີ້ ເຖິງຄວາມສາມາດຂອງນັກບິນສາວຊາວອິນເດຍ ນາງ ແອນນີ ທິບພະຍາ ອາຍຸ 30 ປີ ທີ່ໄດ້ສ້າງປະຫວັດສາດ ເປັນຜູ້ຍິງທີ່ມີອາຍຸນ້ອຍທີ່ສຸດທີ່ໄດ້ເປັນກັບຕັນຂັບເຮືອບິນໂບອິ້ງ 777.  ນາງ ແອນນີ ໄດ້ເລີ່ມເຂົ້າໂຮງຮຽນການບິນຢູ່ ລັດອຸຕະຣະປະເທດ ຂອງອິນເດຍ ເມື່ອອາຍຸໄດ້ 17 ປີ ເຖິງແມ່ນວ່າບໍ່ໄດ້ຮັບການສະໜັບສະໜູນຈາກຄອບຄົວກໍຕາມ, ແຕ່ນາງໄດ້ຕັດສິນໃຈເລືອກເອົາອາຊີບນັກບິນ ຈຶ່ງໄດ້ໄປຮຽນຕໍ່ດ້ານການບິນຢູ່ແອັດສະປາຍ ເມື່ອອາຍຸ 19 ປີ ແລະ ຈາກນັ້ນເມື່ອອາຍຸໄດ້ 21 ປີ ຈຶ່ງໄດ້ເດີນທາງໄປຮຽນຕໍ່ເພີ່ມເຕີມຢູ່ນະຄອນຫລວງລອນດອນ ປະເທດອັງກິດ ຊຶ່ງນາງໄດ້ຮຽນຂັບເຮືອບິນໂບອິງ 777 ເປັນຄັ້ງທຳອິດ ຈົນສາມາດໄຕ່ເຕົ້າຂຶ້ນມາເປັນກັບຕັນ ສ້າງປະຫວັດສາດໃນວົງການການບິນຂອງໂລກ.