ສຳນັກຂ່າວຕ່າງປະເທດລາຍງານ ຈາກເມືອງ ໂມຊຸລ ປະເທດ ອິຣັກ ເມື່ອວັນທີ 11 ກໍລະກົດ 2017 ວ່າທ່ານ ນາຍົກ ລັດຖະມົນຕີໄຮເດີ ອັລ-ອາບາດີ ຖະແຫຼງຈາກຝັ່ງຕະເວັນຕົກຂອງເມືອງ ໂມຊຸລ ເມື່ອວັນຈັນທີ່ຜ່ານມາ ປະກາດ “ການລົ່ມສະຫຼາຍ” ຂອງລັດກໍ່ກາຍຮ້າຍ ແລະ ລັດທິຫຼອກລວງໃນເມືອງ ໂມຊຸລ ໂດຍຢືນຢັນວ່າກອງກຳລັງປະສົມຫຼາຍກວ່າ 100,000 ຄົນ ທີ່ເປັນຄວາມຮ່ວມມືລະຫວ່າງກອງທັບອິຣັກ ກອງກຳລັງນັກຮົບຊາວເຄຣິດ “ເພຊເມີກາ” ແລະ ກຸ່ມນັກຮົບຊີອະອີກຫຼາຍກຸ່ມ ສາມາດຂັບໄລ່ກຸ່ມໄອເອສອອກຈາກເມືອງ ໂມຊຸລ ໄດ້ທັງໝົດແລ້ວ ຫຼັງໃຊ້ເວລາສູ້ຮົບດົນກວ່າ 9 ເດືອນ ແລະ ພາລະກິດນັບຈາກນີ້ຈະເປັນການເດີນໜ້າສ້າງຄວາມໝັ້ນຄົງ ແລະ ກຳຈັດເຄືອຂ່າຍຂອງກຸ່ມໄອເອສໄປໃຫ້ໝົດ.