ຮຽກໄດ້ວ່າເປັນການພັດທະນາໄປອີກຂັ້ນ ເພື່ອເອົາຜູ່ຊາຍຂີ້ເຫງົາໂດຍສະເພາະ ສຳລັບວົງການຕຸກກະຕາຢາງໃນທີ່ສຸດ RealDoll ບໍລິສັດຜູ່ຜະລິດຕຸກກະຕາຢາງສັນຊາດອາເມລິກາ ໄດ້ສ້າງຕຸກກະຕາຢາງທີ່ສາມາດເຄື່ອນໄຫວ ແລະ ສົນ ທະນາກະຕຸ້ນອາລົມທາງເພດໄດ້ສຳເລັດ ຄ້າຍຄືກັບມະນຸດສາວງາມມີປະສົບການເລື່ອງເທິງຕຽງມາຫຼາຍ ຄາດວ່າໜ້າຈະຖືກໃຈບັນດາຊາຍໜຸ່ມແນ່ນອນ
ຕຸກກະຕາຢາງຕົວນີ້ມີຊື່ວ່າ Harmony 2.0 ເຊິ່ງມີຂະໜາດໃກ້ຄຽງກັບມະນຸດແທ້ໆ ເຊິ່ງຈະມີການໃຊ້ລະບົບສັ່ງການແອັບພຣີເຄຊັ່ນ ຜູ້ທີ່ເປັນເຈົ້າຂອງສາມາດໂຫລດບຸກຄະລິກຕ່າງໆຂອງຕຸກກະຕາໄດ້ ເຊິ່ງມີໃຫ້ເລືອກຫຼາຍກວ່າ 18 ບຸກຄະລິກເຊັ່ນ: ເປັນສາວຂີ້ອາຍ, ສາວສົດໃສໜ້າຮັກ ຫຼື ສາວຮ້ອນແຮງເລົ້າໃຈ ແລະ ອື່ນໆ ຢາກໄດ້ແບບໃດເລືອກໄດ້ເລີຍ ແລະ ໃນຕົວຕຸກກະຕາກໍ່ມີໜ່ວຍຄວາມຈຳແບບຖາວອນໄວ້ສຳລັບບັນທຶກຂໍ້ມູນຂອງຜູ່ທີ່ເປັນເຈົ້າຂອງຢູ່ ເພື່ອໃຊ້ໃນການສົນທະນາ ແລະ ການສ້າງຄວາມສຳພັນທີ່ດີລະຫວ່າງກັນ ເຊິ່ງການລົມກັບຕຸກກະຕາຢາງນັ້ນຈະເຮັດໃຫ້ເຈົ້າຂອງຮູ້ສຶກຄືໄດ້ພົບເພື່ອນໃໝ່ທີ່ບໍ່ເຄີຍຮູ້ຈັກກັນມາກ່ອນ
ຕຸກກະຕາຢາງທີ່ຈະຜະລິດອອກມານີ້ຈະມີໃຫ້ເລືອກຫຼາຍເຖິງ 14 ແບບ ຄາດວ່າຈະອອກວາງຈຳໜ່າຍໃນທ້າຍປີ 2017 ນີ້ ສຳລັບລາຄາແມ່ນປະມານ 50 ລ້ານກີບຕໍ່ໂຕ
