ຫຼັງຈາກບໍລິສັດ ວໍໂວປະກາດຈະຜະລິດສະເພາະລົດໄຟຟ້າ ແລະ ລົດໄຮບຣິດ ເຊິ່ງຈະເລີ່ມຜະລິດໃນປີ 2019 ພຽງມື້ດຽວ ລັດຖະມົນກະຊວງສິ່ງແວດລ້ອມຂອງຝຣັ່ງກໍ່ໄດ້ອອກມາປະກາດຫ້າມຂາຍລົດທີ່ໃຊ້ນ້ຳມັນແອັດຊັງ ແລະ ກາຊວນ ພາຍໃນປີ 2040 ເຊິ່ງຮຽກໄດ້ວ່າເປັນການປະຕິວັດການຕໍ່ສູ້ກັບມົນລະຜິດທາງອາກາດຢ່າງແທ້ຈິງ ແລະ ເປັນສ່ວນໜຶ່ງຂອງແຜນການຂອງປະທານາທິບໍດີ ເອັມມານູເອລ ມາຄົງ ທີ່ຕ້ອງການໃຫ້ຝຣັ່ງບໍ່ມີການປ່ອຍຄາຣບອນ ພາຍໃນປິ 2050
ຝຣັ່ງບໍ່ໄດ້ເປັນປະເທດດຽວທີ່ຫ້າມຂາຍລົດທີ່ໃຊ້ນ້ຳມັນ ຍັງມີເນເທີແລນ ແລະ ນໍເວ ໄດ້ປະກາດໄປກ່ອນໜ້ານີ້ແລ້ວວ່າຈະຫ້າມຂາຍລົດທີ່ໃຊ້ນ້ຳມັນກາຊວນ ແລະ ແອັດຊັງພາຍໃນປີ 2025 ໃນຂະນະທີ່ເຢຍລະມັນ ແລະ ອິນເດຍກໍ່ໄດ້ປະກາດແຜນການດຽວກັນແຕ່ມີເປົ້າໝາຍທີ່ປີ 2030