ສຳນັກຂ່າວ CHINA DAILY ລາຍງານໃນວັນທີ 6 ກໍລະກົດຜ່ານມານີ້ວ່າ ນັກບູຮານຄະດີຈີນ ໄດ້ຄົ້ນພົບໂຄງກະດູກມະນຸດ ອາຍຸ 5,000 ປີ ຊຶ່ງກົງກັບຍຸກຫີນໃໝ່ຕອນປາຍ ຊຶ່ງມີຄວາມສູງ ແລະ ມີຄວາມແຂງແຮງເປັນພິເສດ ໃນເຂດບ້ານຈຽວເຈຍ ແຂວງຊານຕົງ ທາງພາກຕາເວັນອອກຂອງປະເທດຈີນ, ອີງຕາມການກວດວັດແທກກະດູກຫລາຍຊິ້ນສ່ວນພາຍໃນຂຸມຝັງສົບພົບວ່າ ມີຄວາມສູງສະເລ່ຍ 1,8 ແມັດຂຶ້ນໄປ ແລະ ໃນນັ້ນ ມີໂຄງກະດູກຂອງຊາຍຄົນໜຶ່ງ ສູງເຖິງ 1,9 ແມັດ ໂດຍອີງຕາມມາດຕະຖານຕາເວັນຕົກ ໃນໄລຍະສະຕະວັດທີ 21 ແລ້ວ ຖືໄດ້ວ່າຄວາມສູງລະດັບດັ່ງກ່າວ ແມ່ນບໍ່ປົກກະຕິ.