ສຳນັກຂ່າວເອພີ ລາຍງານໃນວັນທີ 7 ກໍລະກົດນີ້ວ່າ ທາງການນອກແວ ໄດ້ສົ່ງມອບພະພຸດທະຮູບບູຮານ ຄືນໃຫ້ແກ່ມຽນມາ ຫລັງຈາກທີ່ຖືກລັກລອບອອກນອກປະເທດ ເມື່ອປີ 2011, ພິທີມອບ-ຮັບດັ່ງກ່າວ ໄດ້ຈັດຂຶ້ນລະຫວ່າງທີ່ ທ່ານ ບໍເກ ເບຣນເດ ລັດຖະມົນຕີການຕ່າງປະເທດນອກແວ ກຳລັງຢ້ຽມຢາມປະເທດມຽນມາ ຊຶ່ງທ່ານໄດ້ກ່າວວ່າ ທາງການນອກແວ ຕ້ອງການທີ່ຈະຊ່ວຍນຳເອົາວັດຖຸທາງວັດທະນະທຳ ທີ່ຖືກລັກອອກຈາກປະເທດຕົ້ນທາງ ສົ່ງຄືນໃຫ້ແກ່ປະເທດເດີມ ຕາມຂໍ້ຕົກລົງລະຫວ່າງປະເທດ.
ທັງນີ້ ພະພຸດທະຮູບອົງດັ່ງກ່າວ ເຊື່ອວ່າມີອາຍຸປະມານ 150-200 ປີ ສ້າງຂຶ້ນຈາກຫີນປູນ, ຄຳ ແລະ ແກ້ວ ຊຶ່ງຖືກເຈົ້າໜ້າທີ່ພາສີນອກແວກວດພົບ ແລະ ຍຶດເອົາໄວ້ໄດ້ ເມື່ອປີ 2011.
