ສຳນັກຂ່າວຕ່າງປະເທດ ລາຍງານໃນວັນທີ 5 ກໍລະກົດຜ່ານມານີ້ວ່າ ກະຊວງປ້ອງກັນປະເທດ ສະຫະລັດອາເມຣິກາ ໄດ້ອອກມາຢືນຢັນຢ່າງເປັນທາງການວ່າ ສປປ ເກົາຫລີ ຫລື ເກົາຫລີເໜືອ ສາມາດດຳເນີນການທົດສອບຂີປະນາວຸດຂ້າມທະວີບ (ICBM) ດ້ວຍຜົນສຳເລັດຢ່າງແທ້ຈິງ ໃນວັນອັງຄານທີ 4 ກໍລະກົດຜ່ານມານີ້, ທ່ານ ເຣັກ ທິນເລີສັນ ລັດຖະມົນຕີການຕ່າງປະເທດອາເມຣິກາ ໄດ້ຖະແຫລງປະນາມການທົດສອບດັ່ງກ່າວ ໂດຍໄດ້ລະບຸວ່າ ການກະທຳດັ່ງກ່າວ ເປັນການຂະຫຍາຍຂອບເຂດໄພຄຸກຄາມ ຕໍ່ກັບສະຫະລັດ, ພັນທະມິດ ແລະ ຮຸ້ນສ່ວນ, ພາກພື້ນ ແລະ ຕໍ່ໂລກ.

ດ້ານທ່ານ ເດວິດ ໄຣ ນັກຟີສິກຈາກສະຫະພາບນັກວິທະຍາສາດ ໄດ້ລະບຸ່າ ຫາກຂໍ້ມູນດັ່ງກ່າວເປັນຄວາມຈິງ ໝາຍຄວາມວ່າ ຂີປະນາວຸດລູກດຽວກັນນີ້ ສາມາດຍິງໄດ້ໄກສຸດປະມານ 6,700 ກິໂລແມັດ ຊຶ່ງເປັນໄລຍະທີ່ສາມາດເດີນທາງເຖິງ 49 ລັດຂອງອາເມຣິກາ ແລະ ຄວບຄຸມດິນແດນຂອງລັດອາລາດກາ ເກືອບທັງໝົດອີກດ້ວຍ.