ສຳນັກຂ່າວຕ່າງປະເທດລາຍງານຈາກນະຄອນຫຼວງ ມອສກູ ປະເທດຣັດເຊຍ ເມື່ອວັນທີ 30 ມິຖຸນາ ນີ້ວ່າ ປະທານາທິບໍດີ ວາລາດິເມຍ ປູຕິນ ໄດ້ພົບປະຫາລືກັບ ປະທານາທິບໍດີ ເຈິ່ນ ດົ່ວ ກວາງ ທີ່ທຳນຽບເຄຣມລິນ ເມື່ອວັນພະຫັດທີ່ຜ່ານມາ ເນື່ອງໃນໂອກາດທີ່ຜູ່ນຳຫວຽດນາມເດີນທາງມາຢ້ຽມຢາມນະຄອນຫຼວງມອສກູຢ່າງເປັນທາງການ ໂດຍຜູ່ນຳທັງສອງປະເທດຮ່ວມເປັນສັກຂີພະຍານໃນພິທີລົງນາມບັນທຶກຄວາມເຂົ້າໃຈ (ເອັມໂອຢູ) ດ້ານການຄ້າ ແລະ ການລົງທຶນຫຼາຍກວ່າ 20 ລາຍການ ເຊິ່ງລວມເປັນມູນຄ່າກວ່າ 10,000 ລ້ານໂດລາ ເພື່ອສົ່ງເສີມຄວາມຮ່ວມມືທາງການຄ້າໃນລະດັບທະວີບພາຄີ ທີ່ຮວມເຖິງການອຳນວຍຄວາມສະດວກໃຫ້ສິນຄ້າຈາກຫວຽດນາມມີໂອກາດໄດ້ວາງຈຳໜ່າຍໃນຕະຫຼາດຂອງຣັດເຊຍຫຼາຍຂຶ້ນ

ນອກຈາກນີ້ ທ່ານ ປູຕິນ ຍັງກ່າວເຖິງການຂະຫຍາຍຂອບເຂດຄວາມຮ່ວມມືໃນໂຄງການສຳລຫຼວດ ແລະ ຜະລິດນ້ຳມັນ ແລະ ກ໊າຊທຳມະຊາດ ທີ່ຜູ່ນຳຣັດເຊຍຢືນຢັນວ່າການດຳເນີນການຈະເປັນໄປຕາມກອບຂອງອະນຸສັນຍາສະຫະປະຊາຊາດວ່າດ້ວຍກົດໝາຍທະເລ (ຢູເອັນຄລອສ) ສະບັບປີ 1982 ຢ່າງແນ່ນອນ.