ເວັບໄຊເດິກາດຽນ ລາຍງານເມື່ອວັນທີ 15 ມິຖຸນາ 2017 ວ່າ ສະຫະລັດໄດ້ລົງນາມຂໍ້ຕົກລົງຂາຍເຮືອບິນຮົບ F-15 ຈຳນວນ 10 ລຳ ມູນຄ່າກວ່າ 12,000 ລ້ານໂດລາ ໃຫ້ກັບກາຕາເມື່ອວັນທີ 14 ມິຖຸນາ ທີ່ຜ່ານມາ ໂດຍຂໍ້ຕົກລົງດັ່ງກ່າວມີຂຶ້ນຫຼັງ ໂດນັລ ທຣັມ ໂຈມຕີວ່າ ກາຕາ ສະໜັບສະໜູນການກໍ່ການຮ້າຍໄດ້ພຽງບໍ່ພໍເທົ່າໃດມື້

ລາຍງານລະບຸວ່າຂໍ້ຕົກລົງດັ່ງກ່າວເປັນການຫັກມຸມຂອງນະໂຍບາຍທາງການທູດຂອງສະຫະລັດທີ່ຂັດແຍ້ງກັບຕົວເອງ ໃນຫົວຂໍ້ກ່ຽວກັບວິກິດການທາງການທູດຂອງກາຕາ ເຊິ່ງເປັນປະເທດທີ່ຖືກເພື່ອນບ້ານຕັດຄວາມສຳຄັນຢ່າງເດັດຂາດ.

ດ້ານກະຊວງປ້ອງກັນປະເທດສະຫະລັດລະບຸວ່າ ການຂາຍເຮືອບິນຮົບດັ່ງກ່າວຈະເພີ່ມຄວາມຮ່ວມມືດ້ານຄວາມໝັ້ນຄົງລະຫວ່າງສະຫະລັດ ແລະ ກາຕາ ແລະ ລັດຖະມົນຕີກະຊວງປ້ອງກັນປະເທດທັງສອງຊາດໄດ້ຫາລືກ່ຽວກັບປະຕິບັດການຕໍ່ຕ້ານກຸ່ມກອງກຳລັງລັດອິສລາມ ຮວມເຖິງຄວາມສຳຄັນໃນການຫຼຸດຄວາມເຄັ່ງຮ້ອນໃນແຫລມສະໝຸດອາຫຼັບອີກດ້ວຍ.