ເຮືອບິນຂັບໄລ່ຮອດ 108 ຂອງກອງທັບອາກາດມາເລເຊຍສູນຫາຍໃນບໍລິເວນພື້ນທີ່ເຊື່ອມຕໍ່ລະຫວ່າງລັດປະຫັງ ແລະ ລັດຕຣັງການູຂອງມາເລເຊຍ ເມື່ອເວລາ 11.30 ນາທີ ຕາມເວລາທ້ອງຖິ່ນຂອງວັນພະຫັດທີ 15 ມິຖຸນາ 2017 ຈາກການເປີດເຜີຍຂອງກອງທັບອາກາດມາເລເຊຍທີ່ແຈ້ງໃນລາຍລະອຽດ ໂດຍປັດຈຸບັນນີ້ກອງທັບອາກາດມາເລເຊຍໄດ້ເຮັດການຄົ້ນຫາ ແລະ ກູ້ໄພເຮືອບິນຂັບໄລ່ລຳນີ້ ຢ່າງໃດກໍ່ດີໃນລາຍງານຂອງເວັບໄຊແຊນແນລນິວສ໌ເອເຊຍບໍ່ໄດ້ລະບຸຢ່າງຊັດເຈນວ່າມີນັກບິນຢູ່ໃນເຮືອບິນລຳດັ່ງກ່າວນີ້ຈັກຄົນ.
ດ້ານທ່ານ ຮີຊຳມຸດດິນ ຮຸສເຊນ ລັດຖະມົນຕີກະຊວງປ້ອງກັນປະເທດມາເລເຊຍ ທະວິດຂໍ້ຄວາມສະແດງຄວາມກັງວົນຕໍ່ສະພາບເຫດການທີ່ເກີດຂຶ້ນ ພ້ອມພາວະນາໃຫ້ນັກບິນຢູ່ເຮືອບິນຂັບໄລ່ປອດໄພ