ເກີດເຫດໄຟໄໝ້ເກຣນເຟລທາວເວີ ເຊິ່ງເປັນອາຄານທີ່ພັກສູງ 27 ຊັ້ນ ທີ່ມີອາຍຸກວ່າ 43 ປີ ຕັ້ງຢູ່ທາງຕະເວັນຕົກຂອງນະຄອນຫຼວງລອນດອນ ປະເທດອັງກິດ ໃນຕອນເຊົ້າວັນທີ 14 ມິຖຸນາ 2017 ຕາມເວລາທ້ອງຖິ່ນ ຂະນະທີ່ເຈົ້າໜ້າທີ່ດັບເພີງກວ່າ 200 ຄົນ ແລະ ລົດດັບເພີງ 40 ຄັນ ເຂົ້າໄປໃນພື້ນທີ່ເກີດເຫດ ແຕ່ຍັງບໍ່ມີທ່າທີວ່າຈະສາມາດຄວບຄຸມເຫດການໄດ້ ເພາະເປວໄຟໄດ້ລຸກລາມໄປທົ່ວທັງອາຄານຈາກຊັ້ນລຸ່ມຈົນຮອດຊັ້ນປາຍໆຂອງຕຶກ ຈົນເຮັດໃຫ້ເກີດຄວາມກັງວົນຢ້ານຕຶກດັ່ງກ່າວຖະລົ່ມລົງມາ

ເຈົ້າໜ້າກ່າວວ່າເປວໄຟໄດ້ລຸກໄໝ້ຈາກຊັ້ນ 2 ຮອດຊັ້ນທີ 27 ຂະນະທີ່ຜູ່ສື່ຂ່າວທີ່ລົງພື້ນທີ່ເຜີຍວ່າ ເຖິງແມ່ນວ່າຈະຢືນລາຍງານຂ່າວຫ່າງຈາກຈຸດເກີດເຫດເຖິງ 100 ແມັດ ແຕ່ບໍລິເວນໃກ້ຄຽງຍັງເຕັມໄປດ້ວຍຄັວນໄຟທີ່ພັດປິວໄປທົ່ວ