ສຳລັບແນວທາງການຮັກສາ ຫາກພົບວ່າບັນຫາລູກໃນທ້ອງມີນ້ຳໜັກຕົວຕ່ຳກວ່າມາດຕະຖານ ເຮັດໃຫ້ລູກໃນທ້ອງຕົວນ້ອຍຜິດປົກກະຕິ ສິ່ງທີ່ແມ່ຖືພາສາມາດເຮັດໄດ້ງ່າຍທີ່ສຸດນັ້ນຄືການເລືອກກິນອາຫານທີ່ມີປະໂຫຍດ ກິນອາຫານໃຫ້ຄົບ 5 ໝູ່ ໂດຍສະເພາະຜັກ, ໝາກໄມ້, ນົມ, ຊີ້ນ ໂດຍທັງໝົດເປັນອາຫານທີ່ມາຈາກທຳມະຊາດ ຫຼີກລ່ຽງການກິນອາຫານແປຮູບ ຫຼື ອາຫານສຳເລັດຮູບ.
ໃນລະຫວ່າງທີ່ຖືພາແມ່ຄວນພັກຜ່ອນໃຫ້ພຽງພໍ ຢ່າຄິດກັງວົນໃຈຫຼາຍ ເພາະອາການເຫຼົ່ານີ້ຈະສົ່ງຜົນກະທົບຕໍ່ການຈະເລີນເຕີບໂຕຂອງລູກໃນທ້ອງ ສ່ຽງທີ່ລູກຈະມີຂະໜາດຕົວນ້ອຍກວ່າມາດຕະຖານ ນອກຈາກນີ້ຄວນຫຼີກລ່ຽງການດື່ມສິ່ງມຶນເມົາ ແລະ ການສູດດົມຄວັນຢາສູບ ພ້ອມທັງຕ້ອງໝັ່ນອອກກຳລັງກາຍຢ່າງສະໝ່ຳສະໝີ ແລະເໝາະສົມ
ຫາກແມ່ມີໂຣກປະຈຳຕົວຄວນດູແລຕົວເອງໃຫ້ດີເປັນສອງເທົ່າ ຄວນໄປພົບແພດເປັນປະຈຳ ເພື່ອຮັບການດູແລຢ່າງໃກ້ຊິດ.