ສຳນັກຂ່າວຕ່າງປະເທດລາຍງານຈາກນະຄອນຫຼວງ ມາດຣິດ ປະເທດສະເປນ ເມື່ອວັນທີ 11 ມິຖຸນາ 2017 ວ່າ ທ່ານ ກາຣເລສ ປຸຍເດມອງ ຜູ່ນຳລັດຖະບານທ້ອງຖິ່ນເຂດກາຕາລຸຍາ ທາງພາກຕະເວັນອອກສຽງເໜືອຂອງສະເປນ ໄດ້ທ້າທາຍລັດຖະບານມາດຣິດ ເມື່ອວັນສຸກທີ 9 ມິຖນາ ທີ່ຜ່ານມາ ດ້ວຍການປະກາດກຳນົດວັນລົງປະຊາມະຕິ ເຖິງແມ່ນວ່າກ່ອນໜ້ານີ້ສານລັດຖະທຳມະນູນສະເປນຈະມີແຈ້ງການແລ້ວວ່າ ການລົງປະຊາມະຕິນັ້ນເປັນເລື່ອງຜິດກົດໝາຍ
ເປບ ກວາດິໂອລາ ອະດີດຜູ່ຈັດການທີມບານເຕະບາເຊໂລນາ ຂຶ້ນກວ່າເທິງເວທີປາໄສຮ່ວມກັບປຸຍເດມອງ ປະ ກາດຕໍ່ໜ້າຝູງຊົນເປັນພາສາກາຕາລັນ ສະເປນ ແລະ ອັງກິດວ່າ: “ເຮົາຈະລົງມະຕິ ເຖິງແມ່ນວ່າລັດຖະບານກາງສະເປນຈະບໍ່ຕ້ອງການ ເພາະບໍ່ມີຫົນທາງອື່ນອີກແລ້ວ ການຕອບສະໜອງທາງດຽວທີ່ເປັນໄປໄດ້ຄືການລົງມະຕິ” ກວາດິໂອຍັງຮຽກຮ້ອງຕໍ່ນານາຊາດຂໍຄວາມຊ່ວຍສະໜັບສະໜູນຕໍ່ຕ້ານ “ການກົດຂີ່ຂອງລັດຜະເດັດການ”
ເຈົ້າເມືອງບາເຊໂລນາກ່າວວ່າ ມີຜູ່ເຂົ້າຮ່ວມການຊຸມນຸມປະມານ 30,000 ຄົນ ແຕ່ກຸ່ມເຄື່ອນໄຫວເພື່ອເອກະຊົນກ່າວວ່າ ມີຜູ້ເຂົ້າຮ່ວມປະມານ 47,000 ຄົນ
ໂພສສຳຫຼວດຫຼ້າສຸດຂອງລັດຖະບານທ້ອງຖິ່ນ ພົບວ່າ ຊາວກາຕາລັນ 73% ສະໜັບສະໜູນການລົງປະຊາມະຕິ ເຫດການນີ້ຄືກັບຊາວສະກັອດແລນຈັດຂຶ້ນເມື່ອປີ 2014 ເຖິງແມ່ນວ່າຊາວສະກັອດແລນຈະໄດ້ຮັບອະນຸມັດຈາກລັດຖະບານອັງກິດ
ວິດີໂອ: Ruptly TV