ມີລາຍງານຈາກຕ່າງປະເທດບອກວ່າ ມື້ນີ້ໜ່ວຍຄົ້ນຫາເຮືອບິນຂອງມຽນມາ ໄດ້ພົບເຫັນຊາກເຮືອບິນຂອງກອງທັບອາກາດ ມຽນມາແລ້ວ ເຊິ່ງຕົກກະແຈກກະຈາຍຢູ່ກາງທະເລອັນດາມັນ ໄກຈາກຝຣັ່ງເມືອງທະວາຍ 218 ກິໂລແມັດ.

ເຮືອບິນລຳດັ່ງກ່າວແມ່ນລຸ້ນ Shannxi Y-8 ຜະລິດໂດຍປະເທດຈີນ ບິນຂຶ້ນຈາກເມືອງມະລິດເພື່ອມຸ່ງໜ້າໄປຍັງນະຄອນຫຼວງຢາງກຸງ ຂອງປະເທດພະມ້າ ແລະໄດ້ຂາດການຕິດຕໍ່ໄປຈາກຫໍບັງຄັບການບິນແລະຫາຍຈາກຈໍເຣດ້າໄປໃນເວລາ 13:35 ນາທີ ຂອງວັນທີ 7 ມິຖຸນາ 2017 (ວານນີ້).

ພາຍໃນເຮືອບິນລຳດັ່ງກ່າວໃນຂະນະຂຶ້ນບິນນັ້ນ ມີຜູ້ໂດຍສານແລະຈຸບິນລວມທັງໝົດ 106 ຄົນ (ຂໍ້ມູນເກົ່າ 116 ຄົນ) ໂດຍປະກອບມີຄອບຄົວຂອງທະຫານ, ແມ່ຍິງ ແລະເດັກນ້ອຍຈຳນວນຫຼາຍ ແລະຄາດວ່າຈະບໍ່ມີຜູ້ລອດຊີວິດຈາກເຫດການໃນຄັ້ງນີ້ເລີຍ.