ກອງປະຊຸມສຳມະນາໄດ້ດຳເນີນ ໃນວັນທີ 05 ມິຖຸນາ ຢູ່ນະຄອນຟານທຽດ, ແຂວງບິ່ງຖ້ວນ, ສາທາລະນະລັດ ສັງຄົມນິຍົມ ຫວຽດນາມ.
ກອງປະຊຸມສຳມະນາແມ່ນການເຄື່ອນໄຫວສະເຫຼີມ ສະຫຼອງ 55 ປີ ແຫ່ງ ວັນສ້າງສາຍພົວພັນການທູດ (05/09/1962 – 05/09/2017) ແລະ 40 ປີ ແຫ່ງ ວັນລົງນາມໃນສົນທິສັນຍາມິດຕະພາບ ແລະ ການຮ່ວມມື ລະຫວ່າງ ຫວຽດນາມ ແລະ ລາວ (18/07/1977-18/07/2017). ບັນດາບົດປະກອບຄວາມເຫັນ ຢູ່ກອງປະຊຸມສຳມະນາໄດ້ຢັ້ງຢືນວ່າຕະຫຼອດໄລຍະທາງຜ່ານມາ, ການພົວພັນລະຫວ່າງສອງປະເທດບ້ານໃກ້ເຮືອນຄຽງ ຫວຽດນາມ-ລາວ ແມ່ນສະໜິດສະໜົມ, ໄມຕີຈິດ. ສອງປະເທດລ້ວນແຕ່ພະຍາຍາມຍົກສູງການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ-ລາວ ໃຫ້ຂຶ້ນສູ່ລະດັບສູງໃໝ່ດ້ວຍທິດນຳແທດຈິງ, ຄຸນນະພາບ ແລະ ປະສິດທິຜົນ.
ແຫຼ່ງຂ່າວ: ວິທະຍຸຫວຽດນາມ