spot_img
Homeຂ່າວທ້ອງຖິ່ນການກໍ່ສ້າງສະໜາມກິລາອຸດົມໄຊ ຮອງຮັບມະຫາກຳກິລາແຫ່ງຊາດ ສຳເລັດ 95%

ການກໍ່ສ້າງສະໜາມກິລາອຸດົມໄຊ ຮອງຮັບມະຫາກຳກິລາແຫ່ງຊາດ ສຳເລັດ 95%

Published on

 

ສະໜາມກິລາທີ່ຈະໃຊ້ໃນການເປີດ-ປິດງານມະຫະກຳກິລາແຫ່ງຊາດ ທີ່ແຂວງອຸດົມໄຊ ໄດ້ຮັບກຽດເປັນເຈົ້າ

ພາບໃນເດືອນທັນວາທີ່ຈະເຖິງນີ້ ແມ່ນສຳເລັດ 95%, ທີ່ຍັງບໍ່ທັນສຳເລັດ  ມີພຽງວຽກງານຕິດຕັ້ງອຸປະກອນ

ພາຍໃນສະໜາມເທົ່ານັ້ນ.

 

ທ່ານ ສົມເພັດ ມ້າວປະເສີດ ປະທານ ບໍລິສັດ ອະນຸລັກປ່າໄມ້ ແລະ ການທ່ອງທ່ຽວຮູບແບບນິເວດ ໄດ້ໃຫ້ສຳ

ພາດແກ່ນັກຂ່າວໜັງສືພິມປະຊາຊົນ ເມື່ອອາທິດຜ່ານມາວ່າ: ປະຈຸບັນການກໍ່ສ້າງສະໜາມກິລາທີ່ຈະໃຊ້ໃນ

ການເປີດ-ປິດງານມະຫະກຳກິລາແຫ່ງຊາດ ທີ່ແຂວງອຸດົມໄຊ ແມ່ນສຳເລັດສົມບູນ, ດຳເນີນການກໍ່ສ້າງນັ້ນ

ທາງບໍລິສັດພວກເຮົາແມ່ນໄດ້ແບ່ງວຽກງານການກໍ່ສ້າງເປັນ 3 ວຽກງານຄື: ວຽກງານການກໍ່ສ້າງພື້ນຖານ

ໂຄງລ່າງ, ວຽກງານກໍ່ສ້າງ ແລະ ປັບປຸງສະໜາມກິລາເກົ່າ, ວຽກງານຕິດຕັ້ງອຸປະກອນ, ມາຮອດປະຈຸບັນ

ສະໜາມກິລາທີ່ຈະໃຊ້ໃນພິທີເປີດ-ປິດແມ່ນເປີດໃຫ້ບັນດາກ້ອນກຳລັງສວນສະໜາມ ມາຝຶກຊ້ອມໄດ້ແລ້ວ,

ສ່ວນວຽກງານ ທີ່ເຫຼືອແມ່ນເປັນວຽກສ້ອມແປງສະໜາມກິລາເກົ່າ ຊຶ່ງຍັງເຫຼືອແຕ່ວຽກງານຕິດຕັ້ງອຸປະ

ກອນພາຍໃນສະໜາມ ຄາດວ່າໃນເດືອນກັນຍານີ້ຈະໃຫ້ ສຳເລັດ 100% ແລະ ຈະມີພິ ທີມອບ-ຮັບໃນເດືອນ

ຕຸລາທີ່ຈະມາເຖິງນີ້.

 

ທ່ານໃຫ້ຮູ້ຕື່ມອີກວ່າ: ທາງບໍລິສັດພວກເຮົາ ໄດ້ລົງມືກໍ່ສ້າງມາແຕ່ປີ 2010 ໃນມູນຄ່າຕາມສັນຍາຈຳນວນ 251 ຕື້

ກີບ, ຊຶ່ງບໍລິສັດເປັນຜູ້ລົງທຶນກ່ອນ 100% ໃນເນື້ອທີ່ 20 ເຮັກຕາ, ສະໜາມດັ່ງກ່າວ ນອກຈາກໃຊ້ໃນພິທີເປີດ-ປິດ

ແລ້ວ ຍັງໄດ້ນຳໃຊ້ເຂົ້າໃນການແຂ່ງຂັນກິລາບານເຕະ, ຕີບານຫາດຊາຍ, ໝາກແລ້, ໜ້າເກັກ, ແລ່ນ-ລານ ແລະ

ລອຍນ້ຳ.

 

ຜ່ານການດຳເນີນການກໍ່ສ້າງ ກໍມີທັງຂໍ້ສະດວກ ແລະ ຂໍ້ຫຍຸ້ງຍາກຄວບຄູ່ກັນໄປ ເພາະແຂວງອຸດົມໄຊເປັນແຂວງ

ໜຶ່ງທີ່ຕັ້ງຢູ່ພາກເໜືອ ຊຶ່ງຫຍຸ້ງຍາກໃນການຄົມມະນາຄົມຂົນສົ່ງວັດຖຸ, ບວກກັບບຸກຄະລາກອນກໍມີຈຳນວນຈຳ

ກັດ, ແຕ່ເຖິງຢ່າງໃດກໍຕາມ ການກໍ່ສ້າງຂອງບໍລິສັດພວກເຮົາ ກໍໄດ້ຮັບການຕິດຕາມກວດກາຢ່າງໃກ້ຊິດຈາກ

ການນຳຂັ້ນສູງຂອງແຂວງ ກໍຄືພັກ ແລະ ລັດຖະບານ ໃຫ້ຄວາມເອົາໃຈໃສ່ຊີ້ນຳ-ນຳພາ ຢ່າງສະໝ່ຳສະເໝີ ຈຶ່ງເຮັດ

ໃຫ້ການກໍ່ສ້າງຕ່າງໆຂອງພວກເຮົາຜ່ານພົ້ນອຸປະສັກໄປໄດ້ດ້ວຍດີ.

 

ແຫຼ່ງຂ່າວ: ໜັງສືພິມປະຊາຊົນ

 

ບົດຄວາມຫຼ້າສຸດ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...