ຄວາມຮັກມັນເປັນເລື່ອງບໍ່ເຂົ້າໃຜອອກໃຜ ຍາກທີ່ຈະຄວບຄຸມ ມັນບໍ່ມີກົດເກນຕາຍຕົວທີ່ເຮົາຈະນຳມາໃຊ້ເປັນຫຼັກການໄດ້ ເພາະຄວາມຮັກນັ້ນມັນຂຶ້ນຢູ່ກັບໃຈ ທຸກຄົນມີຄວາມໄຝ່ຝັນຈາກພົບຄວາມຮັກທີ່ສົມບູນແບບ ຊາຍໜຸ່ມຢາກໄດ້ຍິງສາວທີ່ງົດງາມທັງກາຍໃຈ ແລະ ບໍລິສຸດມາເປັນຄູ່ຄອງ ແລະ ຝ່າຍຍິງເອງກໍ່ຕ້ອງການຄືກັນ ແຕ່ເມື່ອບຸເພສັນນິວາດໂຊກຊະຕາລິຂິດຄູ່ຄອງຂອງຕົນເປັນຄົນມີຕຳນິ ເມື່ອເວລານັ້ນມາຮອດ ທ່ານເອງຈະບໍ່ສາມາດໜີຄວາມຈິງທີ່ຕ້ອງພົບໄດ້ ແຕ່ ທຸກຢ່າງໃນໂລກນີ້ມັນບໍ່ແມ່ນແຕ່ຟ້າທີ່ກຳນົດ ໃຈເຮົາເອງຕ່າງຫາທີ່ເປັນຜູ່ກຳນົດ ວ່າຈະຄົບ ຫຼື ບໍ່ຄົບ ແຕ່ກ່ອນທີ່ຈະຄົບຫາ ຫຼື ສານສຳພັນກັບຄົນທີ່ເຄີຍຜ່ານການສ້າງຄອບຄົວມາແລ້ວ ເຮົາຕ້ອງຮູ້ເລື່ອງຫຼັກໆຢ່າງນ້ອຍ 5 ຂໍ້ຕໍ່ໄປນີ້

1. ເຂົາເລີກກັນຕອນໃດເລີກກັນດົນແລ້ວບໍ່
2. ເຫດຜົນທີ່ເລີກກັນ (ສົມມຸດວ່າເປັນຊາຍຕ້ອງເບິ່ງວ່າ “ເຂົາປະເມຍ ຫຼື ເມຍປະເຂົາ”)
3. ກວດສອບສະຖານະຄວາມສຳພັນຂອງເຂົາໃຫ້ຊັດເຈນກ່ອນວ່າເລີກຂາດແລ້ວບໍ່ ຫຼື ຍັງມີການຕິດຕໍ່ກັບຄູ່ຮັກເກົ່າຢູ່
4. ປະຫວັດໂດຍຫຍໍ້ຂອງເຂົາເປັນແນວໃດ ມີເລື່ອງໃດທີ່ເປັນດ້ານລົບ, ມີເລື່ອງໃດທີ່ເປັນດ້ານບວກ
5. ຕົວເຮົາເອງນັ້ນລ່ະ ຖາມຕົວເອງວ່າຄິດດີແລ້ວບໍ່? ພ້ອມແລ້ວບໍ່? ຖ້າວັນຂ້າງໜ້າເກີດຫຍັງຂຶ້ນຈະອົດທົນໄດ້ບໍ່?

ຄິດດີໆຄ່ອຍຕັດສີນໃຈຄົບຫາຢ່າໃຈຮ້ອນດ່ວນຕັດສິນ ເພາະຖ້າພາດມາແລ້ວມັນເອົາຄືນບໍ່ໄດ້