ສຳນັກຂ່າວເອເອຟພີລາຍງານວ່າ ອິນເດຍເປີດຂົວທີ່ຍາວທີ່ສຸດຂອງປະເທດ ຕັ້ງຢູ່ໃກ້ກັບຊາຍແດນດ້ານທີ່ຕິດກັບຈີນ ເມື່ອວັນທີ 27 ພຶດສະພາ 2017 ນັບເປັນບາດກ້າວທີ່່ຖືກເບິ່ງວ່າເປັນຄວາມພະຍາຍາມໃນການເສີມສ້າງດ້ານຄວາມໝັ້ນຄົງໃນການປ້ອງກັນປະເທດໃນພາກພື້ນທີ່ມີຄວາມລະອຽດອ່ອນ.

ທ່ານ ນະເຣນມຣາ ໂມດີ ນາຍົກລັດຖະມົນຕີອິນເດຍ ສະເຫຼີມສະຫຼອງການຄອງອຳນາດຄົບຮອບ 3 ປີ ດ້ວຍການເດີນທາງມາເປັນປະທານໃນພິທີເປີດນຳໃຊ້ຂົວ ໂທລາ-ສາທິຍາ ມີຄວາມຍາວກວ່າ 9.1 ກິໂລແມັດ ຂ້າມແມ່ນ້ຳພອນມະຫາບຸດທີ່ເປັນເຂດເຊື່ອມຕໍ່ລະຫວ່າງລັດອັສສຳ ກັບ ລັດອາຣຸຍາຈັລປະເທດ

ສື່ອິນເດຍໄດ້ລາຍງານເມື່ອວັນທີ 26 ພຶດສະພາທີ່ຜ່ານມາວ່າ ຂົວແຫ່ງນີ້ຖືກສ້າງຂຶ້ນໂດຍມີຈຸດປະສົງເພື່ອໃຫ້ສາມາດຮອງຮັບນ້ຳໜັງເຖິງ 60 ໂຕນຂອງລົດຖັງໄດ້

“ຂົວນີ້ບໍ່ພຽງແຕ່ຈະເຮັດໃຫ້ປະຢັດທັງເວລາ ແລະ ເງິນ ແຕ່ຍັງນຳໃຊ້ເຂົ້າໃນການປະຕິວັດທາງເສດຖະກິດໃໝ່ສຳລັບປະຊາຊົນຊາວອັສສຳ ແລະ ອາຣຸຍາຈັລປະເທດ”