ຫຼັງຈາກທີ່ລາອອກຈາກ ມະຫາວິທະຍາໄລ Havard ເມື່ອ 13 ປີກ່ອນ ເພື່ອມາສ້າງ Fackbook ຈົນປະສົບຜົນສໍາເລັດເປັນເຄືອຄ່າຍສັງຄົມອອນໄລນ໌ທີ່ໃຫຍ່ທີ່ສຸດໃນໂລກ ມີສະມາຊິກເຂົ້າໃຊ້ກວ່າ 2,000 ລ້ານຄົນ ແລະ ໃນທີ່ສຸດ “ມາກ ຊັກເຄີເບຣີກ” ກໍ່ໄດ້ກັບມາທີ່ມະຫາວິທະຍາອີກຄັ້ງເພື່ອເຂົ້າຮ່ວມຮັບ ໃບປະລິນຍາເອກ ໃນຖານະບັນດິດກິຕິມະສັກ
ໂດຍປະທານ ບໍລິສັດ Fackbook ເຂົ້າຮ່ວມພິທີຈົບການສຶກສາຂອງບັນດິມະຫາວິທະຍາໄລ Havard ລຸ້ນທີ 336 ທີ່ເມືອງ ແຄມບຣິດ ສະຫະລັດ ເມື່ອວັນພະຫັດ ທີ 25 ພຶດສະພາ 2017 ໂດຍໃນໂອກາດນີ້ ທາງມະຫາວິທະຍາໄລ ໄດ້ມອບໃບປະລິນຍານິຕິສາດຸດຖິບັນດິດກິດຕິມະສັກ (ປະລິນຍາເອກ) ໃຫ້ແກ່ “ມາກ ຊັກເຄີເບຣີກ” ທີ່ອາຍຸດຽວນີ້ 33 ປີ ເຊຶ່ງເຄີຍສຶກສາດ້ານຈິດວິທະຍາ ແລະ ວິທະຍາສາດຄອມພິວເຕີ ທີ່ມະຫາວິທະຍາໄລແຫ່ງນີ້ ກ່ອນທີ່ຈະລາອອກໄປເມື່ອເດືອນ ພຶດສະພາ 2004 ເພື່ອໄປສ້າງ Fackbook.
“ມາກ ຊັກເຄີເບຣີກ” ໄດ້ຮັບກຽດໃຫ້ຂຶ້ນເວທີເພື່ອກ່າວ ສູນທອນພົດ ຕໍ່ໜ້າບັນດິດທັງຫຼາຍ ເຊິ່ງມີສາລະສໍາຄັນກ່ຽວກັບການສ້າງແຮງບັນດານໃຈ ເຊັ່ນ:
“ຄວາມປ່ຽນແປງເລີ່ມຂຶ້ນຈາກຊຸມຊົນ ຄວາມປ່ຽນແປງລະດັບໂລກເລີ່ມຂຶ້ນຈາກຈຸດນ້ອຍໆ ເຊຶ່ງກໍຄືພວກເຮົາທຸກຄົນ”
“ຂ້ອຍຢູ່ນີ້ເພື່ອບອກພວກທ່ານວ່າການຄົ້ນຫາເປົ້າໝາຍນັ້ນບໍ່ພຽງພໍ ” ຊັກເຄີເບຣີກ ລະບຸກັບັກສຶກສາທ່າມກາງສາຍຝົນ ວ່າ “ຄວາມທ້າທາຍຂອງເຮົາຄືການສ້າງໂລກທີ່ທຸກຄົນຮູ້ຈັກກັບຄຳວ່າເປົ້າໝາຍ”