ໃນຕອນເຊົ້າ ວັນທີ 25 ພຶດສະພາ 2017 ມີສະມາຊິກ PS ຈຳນວນຫຼາຍ ໄດ້ໄປລໍຖ້າຮັບເອົາເງິນ ທີ່ຕົນເອງໄດ້ຝາກລົງທຶນ (ສັ່ງຊື້ສິນຄ້າຕາມແຜນທີ່ບໍລິສັດພາເຮັດ) ກັບບໍລິສັດ ພາຍຫຼັງທີ່ປະທານບໍລິສັດ ຄື ນາງ ສຸກນາລີ ເທບສີເມືອງ ແລະ ທ້າວ ປໍເຮີ ໃຫ້ຄຳໝັ້ນສັນຍາ ທີ່ຈະສົ່ງເງິນຄືນ ພາຍໃນ 3 ເດືອນ ຫາກໃຜຕ້ອງການຖອນເງິນຄືນ.
ສະມາຊິກຈຳນວນດັ່ງກ່າວ ໄດ້ໄປລໍ້ຖ້າຢ່າງບໍ່ມີຄວາມຫວັງ,ພວກເຂົາໄດ້ບຸກເຂົ້າໄປຫ້ອງປະທານ ບໍລິສັດ ກໍ່ລອກປະຕູໄວ້, ມີແຕ່ພະນັກງານ ຈຳນວນໜື່ງຮັບໜ້າແທນແຕ່ບໍ່ມີຄຳຕອບໃດໆໃຫ້ປະຊາຊົນ.
ປະຈຸບັນ, ປະຊາຊົນທີ່ຮ່ວມລົງທຶນ ຫຼາຍກວ່າ ສອງແສນລະຫັດ (ຄາດວ່າປະມານ ແສນກວ່າຄົນ) ແມ່ນໄດ້ຮັບຜົນກະທົບ. ເງິນທີ່ບໍລິສັດ ລະດົມທຶນມາໄດ້ ຈຳນວນ ຫຼາຍ ພັນຕື້ກີບ ຖືກເອົາໄປໃຊ້ເຮັດຫຍັງ? ທຸລະກິດຂາຍນ້ຳ ໄດ້ກຳໄລແທ້ບໍ່? ຫຼື ແນວໃດກັນແທ້? ເຊິ່ງບັນຫາດັ່ງກ່າວນີ້ຮຽກຮ້ອງໃຫ້ທາງພາກລັດເຂົ້າມາຊ່ວຍແກ້ໄຂ
https://youtu.be/G8edoCVGkfs
ແຫລ່ງຂ່າວ: ໂທລະໂຄ່ງ Tholakhong