ໃນວັນທີ 24 ພຶດສະພາ 2017, ກົມຕໍາຫຼວດສຶບສວນ-ສອບສວນ ກົມໃຫຍ່ຕໍາຫຼວດ ກະຊວງ ປກສ ຖະແຫຼງຂ່າວມ້າງກຸ່ມກຸ່ມແກ້ງ ປອມແປງເອກະສານ ( ປອມປ້າຍລົດ ) ສາມາດຈັບກຸມຜູ້ຖືກຫາ 4 ຄົນຄື: ນາງ ປິ່ນຄໍາ ອາຍຸ 53 ປີ, ບ້ານດອນກອຍ ເມືອງສີສັດຕະນາກ ນະຄອນຫຼວງວຽງຈັນ, ນາງ ດໍາ ອາຍຸ 28 ປີ, ນັກສຶກສາ ບ້ານນາປົ່ງ ເມືອງຄົງເຊໂດນ, ທ້າວ ເຫຼືອງ ອາຍຸ 33 ປີ ສັນຊາດຫວຽດນາມ ພັກເຊົາຢູ່ບ້ານຄົງນະຄອນ ເມືອງຄົງເຊໂດນ ແຂວງສະລະວັນ ແລະ ທ້າວ ໝອນ ອາຍຸ 24 ປີ, ບ້ານແກ້ງກອກ ເມືອງຈໍາພອນ ແຂວງສະຫວັນນະເຂດ.
ພວກກ່ຽວຮັບສາລະພາບວ່າໄດ້ເຄື່ອນໄຫວ ເຮັດປ້າຍປອມຈຳນວນຫຼວງຫຼາຍ ຕາມການສັ່ງຂອງລູກຄ້າ. ແຕ່ສຸດທ້າຍກໍບໍ່ຫຼຸດພົ້ນຈາກກົດໝາຍບ້ານເມືອງ ເຈົ້າໜ້າທີ່ຈັບໂຕໄປດຳເນີນຄະດີຕາມຂັ້ນຕອນຂອງກົດໝາຍ.
ພາບແລະຂ່າວ: ໜັງສືພິມຄວາມສະຫງົບ