ແມ່ທີ່ເກີດລູກຫົວສາວບໍ່ເຄີຍຜ່ານປະສົບການມາກ່ອນ ແລະ ຍັງເປັນການເກີດດ້ວຍວິທີຜ່າຕັດ ອາດເກີດຄວາມກັງວົນ ແລະ ສົງໃສກ່ຽວກັບໄລຍະເວລາພັກຝື້ນ ແລະ ອາດສົງໃສວ່າຫຼັງຈາກຜ່າຕັດເກີດລູກແລ້ວຕ້ອງໃຊ້ເວລາດົນພຽງໃດຈິ່ງຈະສາມາດກັບມາເຮັດວຽກໜັກໄດ້ຕາມປົກກະຕິ ໃນຄໍລຳ ແມ່ ແລະ ລູກມື້ນີ້ແອັດມີຄຳຕອບກ່ຽວກັບເລື່ອງພວກນີ້ມາຝາກ
ຫຼັງຈາກຜ່າຕັດເກີດລູກໄດ້ 1 ເດືອນ ທັງບາດແຜ ແລະ ມົດລູກຈະເລີ່ມກັບເຂົ້າທີ່ ແລະ ແຂງແຮງຫຼາຍຂຶ້ນ ໂດຍທ່ສາມາດອອກກຳລັງກາຍ ຫຼື ເຮັດກາຍະບໍລິຫານເພື່ອໃຫ້ຮ່າງກາຍຟືນຟູສະພາບໃຫ້ກັບມາເປັນປົກກະຕິໃຫ້ໄວທີ່ສຸດໄດ້ ໂດຍບໍລິຫານຮ່າງກາຍຢ່າງໜ້ອຍມື້ລະ 15 ນາທີ ຈາກນັ້ນໃຊ້ເວລາປະມານ 6 ອາທິດ ຮອຍແຜຈາກການຜ່າຕັດເກີດລູກກໍ່ຈະຫາຍດີເປັນປົກກະຕິ ແລະ ໃຊ້ເວລາອີກ 12 ອາທິດ ຫຼື ປະມານ 3 ເດືອນ ທ່ານຈິ່ງສາມາດເລີ່ມເຮັດວຽກຍົກຂອງໜັກໄດ້ຕາມປົກກະຕິໄດ້
ເຖິງແມ່ນວ່າຮອບແຜ່ຜ່າຕັດຂອງທ່ານຈະຫາຍດີແລ້ວ ແລະ ສາມາດເຮັດກິດຈະກຳປະຈຳວັນໄດ້ແລ້ວ ແຕ່ເຖິງແນວໃດກໍ່ຕາມກໍ່ຢ່າລືມດູແລສຸຂະພາບຂອງຕົວເອງໃຫ້ແຂງແຮງຢູ່ສະເໝີ ເພື່ອກຽມພ້ອມກັບການລ້ຽງລູກນ້ອຍ