ເວລາກັບເຖິງເຮືອນ ຫລາຍໆທ່ານອາດຈະຂີ້ຄ້ານລ້າງເຄື່ອງສຳອາງ ເພາະໃນແຕ່ລະມື້ກໍ່ເຮັດວຽກເກືອບໝົດມື້ແລ້ວພໍຮອດ ເຮືອນກັບເມື່ອຍລ້າຈາກການເຮັດວຽກຈຶ່ງເຮັດໃຫ້ຄ້ານໃນການລ້າງໜ້າແຜ່ນເຊັດເຄື່ອງສຳອາງຈຶ່ງເປັນອີກໜຶ່ງຕົວຊ່ວຍສຳລັບສາວໆທີ່ຕ້ອງການທຳຄວາມສະອາດໃບໜ້າ ແລະ ສະດວກສະບາຍໃນເວລາດຽວກັນແຕ່ຄິດໄປຄິດມາການໃຊ້ແຜ່ນທຳຄວາມສະອາດນີ້ກໍເປືອງເງີນບໍ່ແມ່ນໜ້ອຍມື້ນີ້ເລີຍຂໍຈັບວິທີເຮັດແຜ່ນທຳຄວາມສະອາດເຄື່ອງສຳອາງມາຝາກ ນອກຈາກສະອາດ,ສະດວກແລ້ວຍັງສະບາຍກະເປົ໋າອີກດ້ວຍ
ອຸປະກອນທີ່ຕ້ອງຕຽມ
- ມີດ
- ເຈ້ຍອານະໄມ ເຊັດມື 1 ມ້ວນ ຕ້ອງໃຊ້ປະເພດແຜ່ນໜາ
- ກະປຸກພາຣສະຕິກແບບມີຝາປິດ
- ນ້ຳອຸ່ນ ເຄິ່ງຖ້ວຍ
- ນ້ຳມັນໝາກພ້າວ 2ບ່ວງແກງ ຫລື ຈະໃຊ້ເບບີ້ອອຍກໍໍ່ໄດ້ ທຳຄວາມສະອາດເຄື່ອງສຳອາງໄດ້ເຊັ່ນດຽວກັນ
- ສະບູ່ແຫລວສູດອ່ອນໂຍນ ແນະນຳໃຫ້ໃຊ້ສະບູ່ແຫລວສຳລັບເດັກກໍໄດ້ 2ບ່ວງແກງ
ຂັ້ນຕອນການເຮັດກໍແສນງ່າຍ
ຕັດມ້ວນເຈ້ຍອານະໄມໃຫ້ພໍດີກັບກະປຸກທີ່ຈະໃສ່
ນຳສ່ວນປະສົມທັງໝົດ ປະສົມໃຫ້ເຂົ້າກັນ
ນຳເຈ້ຍອານະໄມໃສ່ໃນກະປຸກທີ່ກຽມໄວ້
ນຳນ້ຳຢາທຳຄວາມສະອາດທີ່ປະສົມໄວ້ແລ້ວ ເທລົງໃສ່ໃນພາຊະນະ
ລະຫວ່າງລໍຖ້າໃຫ້ນ້ຳຢາຊຶມເຂົ້າຕົວເຈ້ຍອານະໄມນັ້ນ ກໍນຳຝາພາຊະນະມາເຈາະຮູສຳລັບດຶງເຈ້ຍອອກມາໃຊ້ໄດ້ສະດວກ
ເມື່ອແກນເຈ້ຍອານະໄມ ຊຶມນ້ຳຢາເຂົ້າໄປຢ່າງດີແລ້ວ ໃຫ້ດຶງແກນອອກ
ດຶງໃສ້ເຈ້ຍອານະໄມໃຫ້ຄາທີ່ຝາກະປຸກ ເພື່ອພ້ອມດຶງໃຊ້ງານ
ພຽງເທົ່ານີ້ກໍ່ສຳເລັດແລ້ວ ເຈ້ຍເຊັດເຄື່ອງສຳອາງທີ່ອ່ອນໂຍນ ແລ ະປະຫຍັດເງີນໃນກະເປົ໋າ
