spot_img
Homeຂ່າວທ້ອງຖິ່ນຄົນຫຼັກຊາວຖາມ ເສົາໄຟເຍືອງທາງເອົາໄວ້ເພື່ອຫຍັງ?

ຄົນຫຼັກຊາວຖາມ ເສົາໄຟເຍືອງທາງເອົາໄວ້ເພື່ອຫຍັງ?

Published on

ປະຊາຊົນຫຼັກຊາວຝາກຖາມໄຟຟ້າເມືອງຄຳເກີດວ່າ ເປັນຫຍັງເສົາໄຟເຍືອງທາງກໍມີຢູ່ແລ້ວ ແຕ່ຄືບໍ່ເປີດໄຟໃຫ້ຕົວເມືອງມີແສງສະຫວ່າງແດ່?

ຫຼັກຊາວ ເປັນເມືອງໃຫຍ່ອັນດັບສອງ ຮອງຈາກເມືອງປາກຊັນ ທີເປັນຕົວເມືອງເທສະບານແຂວງ ບໍລິຄຳໄຊ. ຫຼັກຊາວ ຕັ້ງຢູ່ເສັ້ນທາງເລກ 8 ໄກຈາກຊາຍແດນລາວ-ຫວຽດນາມ 30 ກິໂລແມັດ, ຢູ່ເມືອງຄຳເກີດ ແຂວງບໍລິຄຳໄຊ ເປັນຕົວເມືອງຊາຍແດນທີ່ມີການພັດທະນາຢ່າງໄວຖ້າທຽບໃສ່ຕົວເມືອງອື່ນໆ ຂອງແຂວງ. ປັດຈຸບັນລະບົບໂຄງລ່າງພື້ນຖານໄດ້ພັດທະນາຫຼາຍຢ່າງ ເປັນຕົ້ນແມ່ນເສັ້ນທາງໃນຕົວເມືອງມີທັງປູຢາງ, ປູຄອນກີດ ໃນຫຼາຍເສັ້ນທາງຫຼັກ.

ໃນຂະນະທີ່ເສົາໄຟເຍືອງທາງໃນເສັ້ນທາງຫຼັກກໍໄດ້ຕິດຕັ້ງສຳເລັດຕັ້ງແຕ່ຕົ້ນປີ ແລະໄດ້ມີການເປີດທົດລອງໃຊ້ໃນໄລຍະບຸນປີໃໝ່ເປັນເວລາ 3 ວັນ ເຊິ່ງໄດ້ສ້າງຄວາມປິຕິຊົມຊື່ນແກ່ປະຊາຊົນໃນຕົວເມືອງຫຼັກຊາວເປັນຢ່າງດີ ເພາະນອກຈາກຈະເຮັດໃຫ້ຕົວເມືອງສວຍງາມແລ້ວ ຍັງສາມາດປ້ອງກັນສິ່ງຫຍໍ້ທໍ້ທີ່ເກີດຂຶ້ນຕາມທ້ອງຖະໜົນໄດ້ຫຼາຍຂຶ້ນ ສ້າງຄວາມປອດໄພແກ່ຜູ້ສັນຈອນໃນຍາມຄໍ່າຄືນໄດ້ເປັນຢ່າງດີ.

ແນວໃດກໍຕາມ, ຍັງໜ້າເສຍດາຍຢູ່ບ່ອນວ່າ ເສົາໄຟເຍືອງທາງທີ່ລົງທຶນຫຼາຍຕື້ນັ້ນ ບໍ່ມີການເປີດນຳໃຊ້ ປ່ອຍໃຫ້ຕົວເມືອງສວຍງາມແຫ່ງນີ້ ມີຄວາມມືດມົວ ບໍ່ສົມກັບວ່າເປັນເມືອງທີ່ສວຍງາມ, ເມືອງຊາຍແດນ ແລະເມືອງທີ່ມີເຂື່ອນໄຟຟ້ານໍ້າຕົກທັງຂະໜາດນ້ອຍແລະໃຫຍ່ຕັ້ງຢູ່ເຖິງສອງແຫ່ງ.

ຕົວເມືອງຫຼັກຊາວ ໃນຍາມຄໍ່າຄືນ ເສົາໄຟເຍືອງທາງຍາວຢຽດ ແຕ່ບໍ່ຮຸ່ງຈັກດອກ
ເສົາໄຟເຍືອງທາງ ໃນຍ່ານຕໍ່ໜ້າວັດແສນອຸດົມ ເສັ້ນທາງຫຼັກຂອງຕົວເມືອງໃນເວລາກາງເວັນ ໂດດເດັ່ນສະຫງ່າ ແຕ່ຕົກກາງຄືນມາພັດມືດປານກຳຕາ
ຫຼັກຊາວ ຕົວເມືອງທີ່ອ້ອມລ້ອມດ້ວຍທຳມະຊາດທີ່ສວຍງາມ
ຫຼັກຊາວ ສັນຍະລັກເດັ່ນຕະການຕາ
ຕະຫຼາດສົດທີ່ສວຍງາມ ມີຜາຜີຮ້ອງເປັນສາກຫຼັງ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...