ເມື່ອວັນທີ 21 ພຶດສະພາ 2017 ນີ້ ບີບີຊີ ແລະ ເອເອຟລາຍງານວ່າ ທ່ານ ໂດນັລ ທຣັມ ແຫ່ງສະຫະລັດອາເມລິກາ ສ້າງຄວາມຮືຮາໃນການໄປຢ້ຽມຢາມຊາອຸດິອາຣະເບຍ ເປັນການເດີນທາງໄປຢຽມຢາມຕ່າງປະເທດຢ່າງເປັນທາງການຄັ້ງທຳອິດຂອງປະທານາທິບໍດີ ດ້ວຍການເຈລະຈາໃນຂໍ້ຕົກລົງດ້ານການຄ້າລະຫວ່າງກັນຮວມມູນຄ່າ 380,000 ລ້ານໂດລາ ໃນຈຳນວນນີ້ເປັນການຊື້ອາວຸດ 110,000 ລ້ານໂດລາ
ສົມເດັດພຣະຣາຊາບໍດີ ຊັລມານ ບິນ ອັບດຸລອາຊີບ ອັລ-ຊາອຸດ ແຫ່ງຊາອຸດິອາຣະເບຍ ຍັງໄດ້ຊື່ນຊົມທ່ານ ທຣັມຜ່ານຂໍ້ຄວາມທາງທະວິດເຕີ້ວ່າ “ການມາຢຽມຂອງຜູ້ນຳສະຫະລັດໃນເທື່ອນີ້ຈະເປັນການກະຊັບຍຸດທະສາດຄວາມຮ່ວມມືລະຫວ່າງກັນຕໍ່ມາຍັງໄດ້ພຣະຣາຊທານຫຼຽນພົນລະເຮືອນສູງສຸດຂອງຊາອຸດິອາຣະເບຍໃຫ້ກັບທຣັມອີກດ້ວຍ”
ທ່ານ ໝອນ ສະໄປເຊີ ໂຄສົກທຳນຽບຂາວກ່າວເພີ່ມເຕີມວ່າ ຊາອຸດິອາຣະເບຍລົງນາມໃນການຊື້ອາວຸດທີ່ຜະລິດໃນສະຫະລັດ ແລະ ເປັນການຊື້ຂາຍທີ່ມີຕົວເລກຫຼາຍທີ່ສຸດໃນປະຫວັດສາດ ເຊິ່ງໜຶ່ງໃນຂໍ້ຕົກລົງຮວມໄປເຖິງເຮລິຄອບເຕີຮຸ່ນແບລັກຮອກ ຈຳນວນ 150 ລຳ ໃນຊາອຸດິອາຣະເບຍ ມູນຄ່າສູງເຖິງ 6 ພັນລ້ານໂດລາ