spot_img
Homeຂ່າວການສຶກສານັກຮຽນເກັ່ງອັນດັບ 1 ຂອງປະເທດສົກປີ 2016-2017 ສາຍວິຊາເຄມີສາດ

ນັກຮຽນເກັ່ງອັນດັບ 1 ຂອງປະເທດສົກປີ 2016-2017 ສາຍວິຊາເຄມີສາດ

Published on

ກະແສນັກຮຽນເກັ່ງລະດັບປະເທດໃນແຕ່ລະສາຂາວິຊາ ຍັງເປັນປະເດັນຮ້ອນຂອງສັງຄົມໃຫ້ຄວາມ ສົນໃຈຢ່າງຕໍ່ເນື່ອງ ເຊິ່ງໄລຍະຜ່ານມາພວກເຮົາກໍ່ໄດ້ສະເໜີໃຫ້ທ່ານຜູ້ອ່ານຮັບຮູ້ແລ້ວໃນສາຍວິຊາ ພາສາ ລາວ-ວັນນະຄະດີ. ສໍາລັບວັນນີ້ ພວກເຮົາສືບຕໍ່ສະເໜີຕື່ມອີກ ໂດຍມຸ້ງເນັ້ນໄປທີ່ນັກຮຽນເກັ່ງຊັ້ນ ມ7 ສາຍວິຊາເຄມີສາດ ນັ້ນກໍ່ຄື: ທ້າວ ປໍ້ ທໍ່ ຈ້າລີ ສັງກັດໂຮງຮຽມ ມສ ມິດຕະພາບ ເມືອງ ແລະ ແຂວງຫຼວງ ພະບາງ.

ທ້າວ ປໍ້ ທໍໍ່ ຈ້າລີ ນັກຮຽນເກັ່ງອັນດັບ 1 ຂອງປະເທດສົກປີ 2016-2017 ສາຍວິຊາເຄມີສາດ ເປັນຕົວແທນຈາກ ມສ ສັນຕິພາບ ເມືອງ ແລະ ແຂວງ ຫຼວງພະບາງ ລາວເຄີຍເສັງໄດ້ອັບດັບ 2 ລະດັບປະເທດໃນຊັ້ນ ມ4 ມາແລ້ວໃນສົກ ປີ 2013-2014 ຖືວ່າເປັນການສ້າງປະຫວັດສາດໜ້າໃໝ່ໃຫ້ກັບໂຮງຮຽນກໍ່ຄື ແຂວງນຳອີກ. ໂອກາດນີ້, ທ້າວ ປໍ້ ທໍໍ່ ຈ້າລີ ໄດ້ເປີດໃຈຕໍ່ທິມຂ່າວພວກເຮົາວ່າ: ເຫດຜົນທີ່ກາຍເປັນນັກຮຽນເກັ່ງໃນ ປັດຈຸບັນ ແມ່ນໄດ້ແຮງບັນດານໃຈມາຈາກລຸ້ນອ້າຍ, ເອື້ອຍ ທີ່ເຄີຍເສັງນັກຮຽນເກັ່ງໃນລະດັບຊັ້ນຕ່າງໆໃນ ຫຼາຍປີຜ່ານມາ ແລະ ທາງໂຮງຮຽນໄດ້ຈັດມີພີທີຂະບວນຕ້ອນຮັບພ້ອມສຽງຍ້ອງຍໍຊົມເຊີຍຈາກບັນດາຄູ-ອາຈານ ແລະ ໝູ່ເພື່ອນ ຕົນເອງກໍ່ຄິດວ່າ ຕ້ອງມືວັນໜຶ່ງເຮົາຕ້ອງເປັນນັກຮຽນເກັ່ງຄືກັບພວກເພິ່ນໃຫ້ໄດ້.

ນັກຮຽນເກັ່ງຄົນນີ້ ຍັງໃຫ້ຮູ້ອີກວ່າ: ຕອນຮຽນຊັ້ນ ມ5 – ມ7 ຕົນໄດ້ເອົາໃຈໃສ່ໃນການຮຽນທຸກໆມື້ຫຼັງເລີກຮຽນ (ອາໃສຢູ່ຫໍພັກ); ພາຍຫຼັງອາບນ້ຳ ແລະ ກິນເຂົ້າແລງແລ້ວ ກໍ່ໃຊ້ເວລາ 2 ຊົ່ວໂມງ ເພື່ອແກ້ບົດຝຶກຫັດ, ຄົ້ນຄ້ວາບົດຮຽນ ແລະ ແລກປ່ຽນຄວາມຮູ້ນຳອ້າຍນ້ອງຮ່ວມຫໍພັກນຳກັນ, ບໍ່ພຽງແຕ່ເທົ່ານັ້ນ ໄດ້ຕື່ນແຕ່ເຊົ້າໆເພື່ອໃຊ້ເວລາທ່ອງບົດຮຽນອີກມື້ລະ 2 ຊົ່່ວໂມງ.ຈາກນັ້ນ ຈຶ່ງມ້ຽນທຳຄວາມສະອາດຫ້ອງພັກ, ແຕ່ງອາ ຫານເຊົ້າ, ອາບນ້ຳ, ກິນເຂົ້າ ແລະ ໄປຮຽນປົກກະຕິ; ສິ່ງທີ່ຂາດບໍ່ໄດ້ແມ່ນມີອາຈານປະຈຳຫ້ອງ ທີ່ຄອຍໃຫ້ປຶກສາ, ແນະນຳ ຫຼື ສອນເພີ່ມພິເສດ ເປັນໄລຍະ ຈົນມາເສັງໄດ້ນັກຮຽນເກັ່ງລະດັບປະເທດໃນສາຍວິຊາເຄມີສາດ ຕາມທີ່ໄດ້ເລົ່າມາໃນເບື້ອງຕົ້ນ.
ປໍ້ ທໍໍ່ ຍັງໄດ້ເວົ້າເຖິງການຮຽນໃນຊັ້ນປະຖົມ ແລະ ມັດທະຍົມ ຕື່ມອີກວ່າ: ຕົນເອງເກີດຢູ່ໃນຄອບຄົວ ທຸກຍາກ ໂດຍມີອ້າຍນ້ອງຮ່ວມອຸທອນດຽວກັນ 10 ຄົນ ເຊິ່ງຕົນເອງໄດ້ເປັນລູກຊາຍກົກ ເກີດຢູ່ບ້ານ ຫ້ວຍເວີ້ ເມືອງນ້ຳບາກ ແຂວງຫຼວງພະບາງ (ເຂົ້າຮຽນຊັ້ນປະຖົມຢູ່ໂຮງຮຽນປະຖົມປາກມອງ); ສ່ວນຊັ້ນ ມັດທະຍົມຕົ້ນແມ່ນຮຽນຢູ່ ມສ ນໍ້າຊວງ, ເມືອງ ນ້ຳບາກ ແຂວງຫຼວງພະບາງ.ໃນໄລຍະນັ້ນ ຕົນເອງໄດ້ຂີ່ລົດ ຖີບໄປໂຮງຮຽນ ຫຼື ບາງມື້ກໍ່ຍ່າງດ້ວຍໄລຍະທາງ 10 ກວ່າກິໂລແມັດ, ແຕ່ຖ້າລວມທັງໄປແລະກັບ ກໍ່ເທົ່າກັບ 20 ກວ່າກິໂລ (ໄລຍະທາງຈາກເຮືອນມາຫາໂຮງຮຽນ); ເຮັດໃຫ້ບາງມື້ບໍ່ໄດ້ກິນເຂົ້າເຊົົ້າ ຫຼື ບາງມື້ບໍ່ກິນຮອດເຂົ້າທ່ຽງກໍ່ມີ.

ສຳລັບ ຈຸດປ່ຽນຂອງຊີວິດນັກຮຽນບ້ານນອກຄົນນີ້ ແມ່ນໄລຍະທາງທຽວໄກແສນໄກ ຈຶ່ງເຮັດ ໃຫ້ເຮົາຕ້ອງສູ້ ແລະ ເຫັນລຸ້ນອ້າຍ,ເອື້ອຍ ທີ່ເສ່ງນັກຮຽນເກັ່ງໄດ້ລະດັບຊາດໄດ້ພຽງລາງວັນທີ 3 ແລະ ລາງ ວັນຊົມເຊີຍໃນໄລຍະນັ້ນ ຈຶ່ງເກີດມີແຮງບັນດານໃຈວ່າ ເຮົາຕ້ອງເປັນຄົນເກັ່ງແບບນັ້ນ ແລະ ເຮັດໃຫ້ດີກວ່າເຂົາເຈົ້າ. ຈາກຄວາມເອົາໃຈໃສ່ ແລະ ຕັ້ງໃຈຮຽນໜັກຂຶ້ນ ຈົນມາຮຽນມາເຖິງຊັ້ນ ມ4 ສົກປີ 2013-2014 ຕົນໂຊກດີຜ່ານການສອບເສັງລະດັບໂຮງຮຽນ ແລະ ໃນລະດັບເມືອງ ກໍ່ໄດ້ທີ 1 ແລ້ວເຂົ້າໄປເສັງນັກຮຽນເກັ່ງ ທົ່ວແຂວງກໍ່ໄດ້ທີ 1 ເຊັ່ນກັນ. ຕໍ່ມາກໍ່ເປັນຕົວແທນໃຫ້ຮ່ວມເສັງນັກຮຽນເກ່ັງທົ່ວປະເທດໃນຊັ້ນ ມ4 ສາຍວິ ຊາເຄມີສາດ ຕົນເອງໄດ້ອັນດັບທີ2 ໃນປີນັ້ນ.
ເມື່ອກ້າວເຂົ້າສູ່ມັດທະຍົມຕອນປາຍ ລາວໂຊກດີທີ່ໄດ້ມີສູນພອນຫວັນ (ສູນຊ່ວຍເຫຼືອນັກຮຽນເກັ່ງ ແລະ ມີທຶນສຶກສາ (ເປັນການຊ່ວຍເຫຼືອຈາກປະເທດຍີ່ປຸ່ນ) ແລ້ວໂອກາດເຂົ້າມາຮຽນໃນຕົວເມືອງ ໂດຍສັງກັດໂຮງຮຽນ ມສ ສັນຕິພາບ, ເມືອງ ແລະ ແຂວງຫຼວງພະບາງ ກໍ່ໄດ້ຖຶກຄັດເລືອກໃຫ້ເປັນນັກຮຽນ ເກັ່ງຂອງແຂວງ ຊັ້ນ ມ7 ເຂົ້າຮ່ວມເສັງໃນສົກປີ 2016-2017 ໂດຍສາມາດຍາດໄດ້ລາງວັນທີ1 ໃນສາຍເຄມີ ເຊັ່ນກັນ. ທ້າວ ປໍ້ທໍ່ ຍັງເວົ້າອີກວ່າ: ສຳລັບເງິນລາງວັນທີ່ໄດ້ມາ ຈຳນວນ 10 ລ້ານກີບ ຈະໃຫ້ພໍ່ແມ່ໃຊ້ເພື່ອຈູນເຈືອຄອບຄົວ ແລະ ອີກຈຳນວນໜຶ່ງຈະໝູນໃຊ້ເປັນທຶນສຶກສາໃນຂັ້ນມະຫາວິທະຍາໄລຕໍ່ໄປ ໂດຍມີຄວາມຄາດຫວັງຢາກຮຽນຕໍ່ສາດແພດ ຫຼື ສາຍສຶກສາກໍ່ໄດ້ ເພື່ອມີໂອກາດໄດ້ຊ່ວຍເຫຼືອສັງຄົມ.

ແຫລ່ງຂ່າວ: ເສດຖະກິດ-ການຄ້າ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...