ຕາມການຄາດຄະເນທ່າອ່ຽງອາກາດລະດູການ ຈາກພາກພື້ນ ແລະ ສາກົນ ຂອງກົມອຸຕຸນິຍົມ ແລະ ອຸທົກກະສາດ
ໃຫ້ຮູ້ວ່າ: ສະພາບຝົນໃນ 3 ເດືອນຕໍ່ໜ້າ (ສິງຫາ, ກັນຍາ, ຕຸລາ) ຈະມີປະລິມານຫລຸດລົງຢູ່ເກນປົກກະຕິເປັນສ່ວນ
ຫລາຍໃນແຕ່ລະພາກ, ການແຈກຢາຍຂອງຝົນໃນທົ່ວປະເທດ ອາດຈະບໍ່ສະໜ່ຳສະເໜີເທົ່າທີ່ຄວນ ແລະ ຍັງຈະມີ
ຝົນຕົກໜັກເປັນບາງໂອກາດ ຫລື ບາງທ້ອງຖິ່ນຢູ່, ຊຶ່ງຈະເຮັດໃຫ້ນ້ຳຖ້ວມຊຸກະທັນຫັນ ແລະ ຖ້ວມຍື່ງຕາມລຳແມ່
ນ້ຳຂອງໃນເດືອນສິງຫາຫາກັນຍາ.
ສ່ວນທ່າອ່ຽງຂອງອຸນຫະພູມໃນ 3 ເດືອນຈະສູງລື່ນເກນປົກກະຕິ, ສະພາບພະຍຸຈະກໍຕົວຂຶ້ນຢູ່ມະຫາສະໝຸດປາຊີຟິກ
ແລະ ທະເລຈີນໃຕ້ ຍັງຢູ່ປະມານ 16-18 ຫົວ ແລະ ອາດພັດຜ່ານ ສປປ ລາວ ປະມານ 2-3 ຫົວ ແລະ ລະດັບນ້ຳຂອງ
ແລະ ສາຂາແມ່ນ້ຳຕ່າງໆຈະມີທ່າອ່ຽງຂຶ້ນ-ລົງເປັນໄລຍະ.
ສຳລັບສະພາບອາກາດໃນຕໍ່ໜ້າ, ຍັງແມ່ນໄລຍະລະດູຝົນຈະໄດ້ຮັບອິດທິພົນຈາກກະແສລົມມໍລະສຸມຕາເວັນຕົກສ່ຽງ
ໃຕ້ຈາກອ່າວໄທພັດເຂົ້າສູ່ປະເທດລາວ ປ່ອງເຂົ້າສູ່ພາຍຸເຂດຮ້ອນທີ່ຈະເກີດຂຶ້ນຢູ່ທະເລຈີນໃຕ້ ແລະ ມະຫາສະໝຸດປາ
ຊີຟິກ, ຊຶ່ງຈະເຮັດໃຫ້ມີຝົນຕົກຟ້າຄະນອງ, ລົມແຮງ, ຝົນຕົກໜັກບາງໂອກາດ. ໃນເດືອນສິງຫາຫາເດືອນກັນຍາໂອ
ກາດທີ່ຈະເກີດມີນ້ຳປ່າໄຫລຊຸແຮງ, ດິນເຈື່ອນ, ນ້ຳຖ້ວມກະທັນຫັນຢູ່ເຂດແຂວງພາກເໜືອຫາພາກກາງຈາກນັ້ນ
ແຕ່ກາງເດືອນກັນຍາ ຫາຕົ້ນເດືອນຕຸລາໂອກາດຈະມີນ້ຳຖ້ວມຍື່ງນ້ຳຖ້ວມກະທັນຫັນຢູ່ແຂວງພາກກາງຫາພາກໃຕ້
ຊຶ່ງຈະເຮັດໃຫ້ການຄົມມະນາຄົມທາງບົກ, ທາງນ້ຳ ແລະ ທາງອາກາດພົບບັນຫາອັນຕະລາຍຕ່າງໆ ແລະ ຕໍ່ການດຳລົງ
ຊີວິດຂອງພໍ່ແມ່ປະຊາຊົນທີ່ຢູ່ໃກ້ເຂດສ່ຽງໄພ, ຢູ່ເຂດຮ່ອມພູ, ຢູ່ເຈີ້ຍພູຜາສູງ ແລະ ຢູ່ໃກ້ແຄມແມ່ນ້ຳສາຂາຕ່າງໆ.
ສະນັ້ນ, ຈຶ່ງຂໍໃຫ້ມີສະຕິລະມັດລະວັງ ກຽມພ້ອມທຸກສະຖານະການ ແລະ ຕິດຕາມສະພາບອາກາດຈາກກົມອຸຕຸນິຍົມ
ແລະ ອຸທົກກະສາດເປັນປະຈຳ.
ແຫຼ່ງຂ່າວ: http://laophatthananews.blogspot.com/2014/08/2-3.html