spot_img
Homeຂ່າວຕ່າງປະເທດຈີນທຸ້ມງົບປະມານມະຫາສານໃສ່ໂຄງການ ໜຶ່ງແລວທາງ ໜຶ່ງເສັ້ນທາງ

ຈີນທຸ້ມງົບປະມານມະຫາສານໃສ່ໂຄງການ ໜຶ່ງແລວທາງ ໜຶ່ງເສັ້ນທາງ

Published on

ສຳນັກຂ່າວຕ່າງປະເທດລາຍງານ 14 ພຶດສະພາ 2017 ວ່າ: ນະໂຍບາຍໜຶ່ງແລວທາງ ໜຶ່ງເສັ້ນທາງ ນີ້ເປັນແຜນການທີ່ສຳຄັນຂອງທ່ານ ສີ ຈິນຜິງ ປະທານປະເທດຈີນ ທີ່ໄດ້ເລີ່ມຂຶ້ນເມື່ອປີ 2013 ເຊິ່ງຈະເຊື່ອມຈອດເສັ້ນທາງການຄ້າລະຫວ່າງຈີນກັບພູມມິພາກອາຊີ, ອາຟຣິກາ ແລະ ເອີຣົບ ໂດຍອ້າງອີງຈາກເສັ້ນທາງສາຍໄໝໃນອະດີດ ເຊິ່ງຄັ້ງນີ້ໃຊ້ພື້ນຖານໂຄງລ່າງເປັນຕົວນຳໃນການພັດທະນາຄວບຄຸມ 65 ປະເທດ ກວມເອົາ 60% ຂອງປະຊາກອນໂລກ ແລະ ປະມານ 1 ໃນ 3 ຂອງຜະລິດຕະພັນມວນລວມຂອງໂລກ (GDP)

ປ.ສີ ກ່າວປາໄສໃນພິທີໄຂກອງປະຊຸມປຶກສາຫາລືລະດັບສູງວ່າດ້ວຍການຮ່ວມມືສາກົນ ໜຶ່ງແລວທາງ ໜຶ່ງເສັ້ນທາງ ຢູ່ນະຄອນຫຼວງປັກກິ່ງ ມື້ນີ້ (14 ພຶດສະພາ) ໄດ້ເນັ້ນເຖິງບົດບາດຂອງນະໂຍບາຍ “ໜຶ່ງແລວທາງ ໜຶ່ງເສັ້ນທາງ” ໃນການເປັນເຂດການຮ່ວມມືເພື່ອສົ່ງເສີມການເຕີບໃຫຍ່ຂອງເສດຖະກິດໂລກ ໃນຮູບແບບເສດຖະກິດດແບບເປີດ ໂດຍກ່າວວ່າ ທະນາຄານເພື່ອພັດທະນາຈີນ (CDB) ແລະ ທະນາຄານເພື່ອການສົ່ງອອກ ແລະ ນຳເຂົ້າຈີນ ກຽມເງິນກູ້ຢືມສຳລັບໂຄງການພັດທະນາພາຍໃຕ້ນະໂຍບາຍນີ້ລວມ 380,000 ລ້ານຢວນ ແລະ ລັດຖະບານຈີນກຽມອັດສີດເງິນເຂົ້າສູ່ກອງທຶນໜຶ່ງແລວທາງໜຶ່ງເສັ້ນທາງອີກ 100,000 ລ້ານຢວນ ລວມທັງເງິນຊ່ວຍເຫຼືອອີກ 60,000 ລ້ານຢວນ ສຳລັບປະເທດກຳລັງພັດທະນາໃນເສັ້ນທາງນີ້.


ນະໂຍບາຍນີ້ຖືກໃຊ້ເປັນທາງອອກສຳລັບບັນຫາການຜະລິດເກີນຂອງອຸດສາຫະກຳຈີນ ແລະ ຍັງມີບົດບາດໃນດ້ານພູມສາດການເມືອງຂອງລັດຖະບານຈີນອີກດ້ວຍ, ທ່ານນາງ ບອນນີ ເກວເຊີ້ ຜູ້ຊ່ຽວຊານຈາກສູນຍຸດທະສາດ ແລະ ການຕ່າງປະເທດສຶກສາ (CSIS) ກ່າວວ່າ “ໜຶ່ງແລວທາງ ໜຶ່ງເສັ້ນທາງ” ມີຈຸດມຸ່ງໝາຍເພື່ອເສີມສ້າງເຄືອຂ່າຍການເພິ່ງພາທາງເສດຖະກິດລະຫວ່າງຈີນກັບປະເທດເພື່ອນບ້ານ ເຊິ່ງລັດຖະບານຈີນຫວັງທີ່ຈະປ່ຽນມັນໄປສູ່ອິດທິພົນທາງການເມືອງໃນອະນາຄົດ.

ແຫລ່ງຂ່າວ: ອິດສະຫຼະ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...