ສຳນັກຂ່າວເອເອຟພີລາຍງານວ່າ ທ່ານ ມຸນ ແຈອິນ ປະທານາທິບໍດີເກົາຫຼີໃຕ້ຄົນໃໝ່ ຄໍ່ສາຍໂທລະສັບສົນທະນາກັບຜູ້ນຳຍີ່ປຸ່ນ ແລະ ຈີນເມື່ອວັນພະຫັດ (11/05/2017) ພາຍຫຼັງທີ່ເຂົາໄດ້ຮັບຕຳແໜ່ງພຽງບໍ່ເທົ່າໃດຊົ່ວໂມງກໍ່ໄດ້ໂທລະສັບຫາລືກັບປະທານາທິບໍດີ ໂດນັລ ທຣັມ ແຫ່ງສະຫະລັດອາເມລິກາ ໃນການກຳນົດແນວທາງທີ່ຈະດຳເນີນຄວາມສຳພັນກັບເກົາຫຼີເໜືອ

ສຳນັກງານຂອງທ່ານ ມຸນ ເປີດເຜີຍວ່າ ໃນການປຶກສາຫາລືຂອງປະທານາທິບໍດີ ມຸນ ກັບ ປະທານາທິບໍດີ ສີ ຈິ້ນຜິງ ຜູ້ນຳທັງສອງຕ່າງເຫັນພ້ອມກັນວ່າການປົດນິວເຄຣຍໃນແຫຼມມະຫາສະໝຸດເກົາຫຼີຖືເປັນເປົ້າໝາຍຮ່ວມກັນທັງສອງປະເທດ ໂດຍທ່ານມຸນຍັງຮ້ອງຂໍໃຫ້ມີການເຈລະຈາໄປພ້ອມກັບການຂວ້ຳບາດ ແລະ ການກົດດັນເກົາຫຼີເໜືອ ທັງນີ້ເພື່ອເຮັດໃຫ້ເກົາຫຼີເຫຼືອຍອມຫັນເຂົ້າມາເຈລະຈາ.

ທ່ານ ຍຸນ ຍອງ ຊານ ໂຄສົກປະທານາທິບໍດີ ເກົາຫຼີໃຕ້ກ່າວວ່າ ໃນການຫາລືຜູ້ນຳເກົາຫຼີໃຕ້ຍັງບອກກັບຜູ້ນຳຈີນຄຳນຶງເຖິງຄວາມເປັນກັງວົນຂອງຈີນທີ່ມີຕໍ່ການຕິດຕັ້ງລະບົບປ້ອງກັນຂີປະນາວຸດ ຂອງສະຫະລັດໃນດິນແດນເກົາຫຼີໃຕ້ ຈິ່ງຂໍໃຫ້ມີການຫາຫຼື ໃນລະດັບທະວິບພາຄີ ເພື່ອສ້າງຄວາມເຂົ້າໃຈລະຫວ່າງກັນໃນເລື່ອງນີ້ໃຫ້ຫຼາຍຂຶ້ນ ຜູ້ນຳທັງສອງຍັງພ້ອມກັນທີ່ຈະມີການແລກປ່ຽນການຢຽມຢາມຂອງການທູດພິເສດໃນໄວໆນີ້ ເຊິິ່ງທ່ານ ມຸນ ໄດ້ສະເໜີທີ່ຈະສົ່ງຄະນະຜູ້ແທນລັດຖະບານໄປທີ່ນະຄອນຫຼວງປັກກິ່ງ ເພື່ອຫາລືກັນເລື່ອງລະບົບປ້ອງກັນຂີປະນາວຸດ ແລະ ປະເດັນເລື່ອງນິວເຄຣຍໃນແຫລມເກົາຫຼີ ນອກຈາກນີ້ຜູ້ນຳເກົາຫຼີໃຕ້ຍັງໄດ້ຂານຮັບແນວທາງດຽວກັບຜູ້ນສະຫະລັດທີ່ສະເໜີແນະນຳໃຫ້ຈີນຊາດພັນທະມິດໜຶ່ງດຽວ ແລະ ເປັນເສັ້ນເລືອດເສດຖະກິດຫຼໍ່ລ້ຽງເກົາຫຼີເໜືອ ໃຫ້ຊ່ວຍເວົ້າກັບເກົາຫຼີເໜືອ ໂດຍຊີ້ວ່າ “ການແກ້ໄຂບັນຫາເລື່ອງລະບົບປ້ອງກັນຂີປະນາວຸດນັ້ນຈະງ່າຍຂຶ້ນ ຫາກບໍມີການຍຸແຍ່ຈາກເກົາຫຼີເໜືອ’ ທັງນີ້ຜູ້ນຳຈີນຍັງໄດ້ເຊີນຜູ້ນຳເກົາຫຼີໃຕ້ຢຽມຢາມປະເທດ